زەنجىۋىل

ھۆل سوغۇق كەيپىياتنى تەڭشەش، ئاشقازاننى، باھنى، پەينى قۇۋۋەتلەش، نېرۋىلارنى قوزغۇتۇش، ئىشتىھانى ئېچىش، ھەزىم ياخشىلاش، يەل تارقىتىش، سۈت ۋە مەنى پەيدا قىلىش، جىگەرنىڭ توسالغۇلىرىنى ئېچىش، ئارتۇق ھۆللۈكنى يوقىتىش، قان توختىتىش، چاچ ئۈندۈرۈش قاتارلىق خۇسىيىتى بار.

ۋەكىل خاراكتېرلىك پىششىق دورا ياسالمىسى

جاۋارش زەنجىۋىل، زەنجىۋىل مۇرابباسى، زەنجىۋىل چاچ يۇيۇش سۇيۇقلىقى.

يىلتىزسىمان غولىنىڭ قۇرۇتۇلغان قىسمى ياپىلاق. ئۆلچەمسىز بولۇپ، توم زەنجىۋىل ۋە يوپقا زەنجىۋىل دەپ ئىككى تۈرگە بۆلۈنىدۇ. توم زەنجىۋىل ئاق رەڭدە، يۇپقا زەنجىۋىلسا ساغۇچ ئاق رەڭگە مايىل بولىدۇ. پارقىراق كېلىدۇ.

نېـرۋا، بـاھ ئـاجـىـزلـىـقـى، پـالـەچ. لـەقـىۋا، ئىشتىھاسىزلىق، ئاشقازان ئېسىلىش، سۈت، مەنى كەملىك، بەدەن ئاجىزلىقى، چىش مىلىكى قاناش، چاچ چۈشۈپ كېتىش قاتارلىقلار

1. ھەزىم سىستىمىسىغا بولغان تەسىرى: %50 لىك چىلانمىسىنى ئىچكۈزسە ئاشقازان كىسلاتاسى ۋە سۇيۇقلۇقنى ئاجرىتىپ چىقىرىپ ھەزىمنى ياخشىلايدۇ.

2. قان ئايلىنىش ۋە نەپەس سىستېمىسىغا بولغان تەسىرى: ئىسپىرتقا چىلانغان سۇيۇقلۇقى قاننى جانلاندۇرىدۇ. يۈرەكنى قوزغۇتىدۇ. چوڭ مېڭە پوستىلاق قىسمىنى قوزغىتىدۇ.

3. باكتېرىيىگە بولغان تەسىرى: زەنجىۋىلنىڭ سۇدىكى چىلانمىسى زەمبۇرۇغلارنى تورمۇزلايدۇ. جىنسىي يول تامچە قۇرتىنى ئۆلتۈرىدۇ

خاس تەسىرى

خىلىتسىز ھۆل سوغۇق كەيپىياتنى تەڭشىگۈچى دورىلار.

ئورۇنباسارى

پىل پىل، قارامۇچ

ئەكىس تەسىرى

گالنى يىرىكلەشتۈرىدۇ.

تۈزەتكۈچىسى

بادام يىغى، ھەسەل.

1) زەنجىۋىل، كۇندۇر، ناۋات قاتارلىقلاردىن مۇۋاپىق ئېلىپ سوقۇپ، ئىككى دانە تۇخۇم سېرىقى بىلەن قوشۇپ يېسە باھنى قۇۋۋەتلەيدۇ.

2) زەنجىۋىل، خولىنجان، پىستە پوستى قاتارلىقلارنى مۇۋاپىق ئېلىپ سوقۇپ سپوپ تەييارلاپ يېسە ئاشقازان خىزمىتىنى ياخشىلايدۇ.

3) ھۆل زەنجىۋىلنى چاچ چۈشۈپ كەتكەن ئورۇنغا سۈركەپ بەرسە چاچ ئۈندۈرىدۇ.

4) زەنجىۋىل،قارىمۇچ،خولىنجان، ئاقىرقارھا قاتارلىقلاردىن ھەربىرىدىن 30 گرامدىن ئېلىپ، تۇخۇم سېرىقى 20 دانە، ھەسەل3 ھەسسە ئېلىپ قائىدە يەينچە مەجونات تەييارلاپ بەرسە باھنى قۇۋۋەتلەيدۇ. بەدەننى سەمىرتىدۇ. سۈت، مەنى كۆپەيتىدۇ.

5) زەنجىۋىل، نەمەك ھىندىنى تالقان قىلىپ چىش تۈۋىگە سېپىپ بەرسە ياكى قاينىتىپ ئېغىزنى غارغار قىلسا چىش مىلىكى قاناشقا مەنپەئەت قىلىدۇ.

يىغىش

ياز پەسلىدە كولاپ ئېلىنىدۇ.

ساقلاش 

پاكىز يۇيۇپ قۇرۇتۇپ ئىشلىتىلىدۇ.^[0]