بىئولوگىيەلىك دېھقانچىلىق دورىلىرى

باكتىرىيەلىك ھاشارات ئۆلتۈرگۈچى دورا سۇدېگىن تاياقچە باكتېرىيەسى، پەرۋانە ئۆلتۈرگۈچى تاياقچە باكتېرىيە ، سورىنگىن تاياقچە باكتىرىيەسى ، زەمبۇرۇغلۇق ھاشارات يوقىتىش دورىسى ، ئاقارتقۇچى زەمبۇرۇغ ۋە يېشىل قاتۇرغۇچى زەمبۇرۇغ قاتارلىقلارنىڭ ھەممىسى بىئولوگىيەلىك دېھقانچىلىق دورىلىرىدىن ئىبارەت . 

بىئولوگىيەلىك دېھقانچىلىق دورىلىرىنىڭ تۆۋەندىكىدەك بىر قانچە ئالاھىدىكى بار :

1. ئۈنۈمى يۇقىرى زەھىرى تۆۋەن بولۇپ ، ئېكولوگىيەلىك مۇھىتنى قوغداشقا پايدىلىق . بىئولوگىيەلىك دېھقانچىلىق دورىلىرى نىسبەتەن كۈچلۈك تاللاشچانلىققا ئىگە . مەسلەن ، ئاقارتقۇچى زەمبۇرۇغ ، سۇدېگىن تاياقچە باكتېرىيەسى ۋە پەرۋانە ئۆلتۈرگۈچى تاياقچە باكتېرىيە قاتارلىقلارنىڭ چاينىغۇچى ئېغىزلىق ھاشاراتلەردىن قارىغاي تۈكلۈك قۇرتى ، شال قاپلىق قۇرتى ، كېۋەز غوزا قۇرتى ، سەي كۆك قۇرتى قاتارلىقلارغا بولغان ئۈنۈمى نىسبەتەن ياخشى بولۇپ ، ئالدىنى ئېلىش ۋە يوقىتىش ئۈنۈمى %95-70 ئەتراپىدا بولىدۇ . پايدىلىق ھاشاراتلەرگە زىيان سالمايدۇ ، ئادەم ۋە ھايۋانلارغا ، زىرائەتلەرگە نىسبەتەن بىخەتەر .

2. دورىغا قارشى تۇرۇشچانلىق ھاسىل بولمايدۇ . ئومۇمەن زەمبۇرۇغ ئارقىلىق ھاشارەت يوقىتىش ، زەمبۇرۇغ ئارقىلىق كېسەل داۋالاش ياكى زەمبۇرۇغ ئارقىلىق ئوت-چۆپ يوقىتىش بولسۇن ، ھەممىسى خۇددى «نومۇر بويىچە ئولتۇرغانغا ئوخشاش» پەقەت ھەممىسى ئۆزىگە ماس كېلىدىغان پارازىت ئىگىسىنى تېپىپ رولىنى جارى قىلدۇرىدۇ . شۇڭا ، دورىغا قارشى تۇرۇشچانلىق ھاسىل بولمايدۇ . ئۇنۋېرسال ئالدىنى ئېلىش ۋە داۋالاشتا خىمىيەلىك ئالدىنى ئېلىش بىلەن بىئولوگىيەلىك ئالدىنى ئېلىش بىرلەشتۈرۈلسە ، زىيانداش ھاشاراتلاردىكى دورىغا قارشى تۇرۇشچانلىقىنى ئۈنۈملۈك تىزگىنلىگىلى بولىدۇ .

3. ئىشلىتىش مىقدارى ئاز ، تەننەرخى تۆۋەن ، ئۈنۈمى ياخشى ، ھەرقېتىم ناھايىتى ئاز مىقداردا ئىشلىتىلگەن ھاشارات ئۆلتۈرگۈچى دورىلار كۆپ مىقداردىكى زىيانداش ھاشاراتلارنى قىمىر قىلغۇزمايدۇ ھەم ئۆسۈملۈكنى يېيەلمەيدۇ . ئاخىرىدا تارتىشىپ ئۆلۈپ قىلىدۇ .

4. چوڭ ياشتىكى لىچىنكىنى (يېيىش مىقدارى چوڭ) كىچىك لىچىنكىغا قارىغاندا ياخشى ئۆلتۈرەلەيدۇ ھەم خىمىيەلىك دورىلارنىڭ يېتەرسىزلىكىنى ئۈنۈملۈك تولدۇرالايدۇ .

5. يېزا ئىگىلىك مەھسۇلاتلىرىنىڭ سۈپىتىگە تەسىر يەتكۈزمەيدۇ ھەم ئۇلارغا زەھەرسىز ، قوشۇمچە رولى يوق . گەرچە بىئولوگىيەلىك دورىلارنىڭ نۇرغۇن ئارتۇقچىلىقى بولسىمۇ ، ئەمما تېمپېراتۇرىغا بولغان تەلىپى نىسبەتەن يۇقىرى . شۇڭا دورا ئۈنۈمىنىڭ مۇقىملىقىنى ساقلاشقا توغرا كېلىدۇ . باكتېرىيەلىك ھاشارات ئۆلتۈر گۈچى دورىلارنى پىلە بېقىش رايونلىرىدا ئىشلىتىشكە بولمايدۇ . شۇڭا بىئولوگىيەلىك دورىلارخىمىيەلىك دېھقانچىلىق دورىلىرىدەك كەڭ كۆلەمدە ئىشلىتىلمەيدۇ .

بىئولوگىيەلىك دېھقانچىلىق دورىلىرىدېھقانچىلىق دورىلىرىنىڭ تۈرلىرى ناھايىتى كۆپ ، زىيانداش ھاشارات ئۆلتۇرگۇچى ، ياۋا ئوت - چۆپلەرنى يوقاتقۇچى ، مىكروپ ئۆلتۇرگۇچى قاتارلىق ھەرخىل ئوخشىمىغان تۈردىكى دېھقانچىلىق دورىلىرى كېسەللىك ۋە زىيانداش ھاشارەتلەرنى يوقىتىشتا ئىنتايىن موھىم رول ئوينىدى ، ئەڭ دەسلەپ دېھقانچىلىق دورىلىرى ئىشلەتكەندىن تارتىپ ، ھازىرغىچە ئىشلىتىلگەن دېھقانچىلىق دورىلىرى بىر قانچە ئەۋلاد يېڭىلاندى . 

بۇرۇن ئىشلىتىلگەن دېھقانچىلىق دورىلىرى ئورگانىك خىلور ، ئورگانىك فوسفۇر قاتارلىقلاردىن ئىبارەت بولۇپ « 666» ۋە « DDV » لار ئۇلارنىڭ تىپىك ۋەكىللىرى ئىدى . دورىلار زىيانداش ھاشارەتلەرنىڭ نېرۋا سىسىتېمىسى ، ھەزىم قىلىش سىستېمىسنى ئىقتىدارىدىن مەھرۇم قىلىش ئارقىلىق ئۇلارنى يوقىتاتتى. بۇ دورىلار دەسلەپتە ھەقىقەتەن موھىم رول ئوينىدى ، چۈنكى ئۇلارنىڭ ھاشارەت يوقىتىش ئۈنۈمى زور ، ئىشلىتىش ئاسان ،تەننەرخى ئەرزان ئىدى ، شۇڭا دېھقانلارنىڭ قىزغىن قارشى ئېلىشىغا مۇيەسسەر بولدى ، لېكىن بۇ دورىلار يەنە زور كەمچىللىكلەرگە ئىگە ئىدى . 

1 . ئۇزاق ۋاقىت ئىشلىتىلسە زىيانداش ھاشاراتلاردا ئۇنىڭغا قارشى تۇرۇش ئىقتىدارى يېتىلىدۇ ؛ 

2 . ئۇلار زىيانداش ھاشاراتلارنى زەھەرلەپلا قالماستىن ، بەلكى ئادەملەرنىمۇ زەھەرلەيدۇ ، يىزىلاردا دائىم دېھقانلار دورا چېچىۋىتىپ زەھەرلىنىدىغان ئەھۋاللار كۆرۈلدى ، ئۇنىڭ ئۈستىگە شۇ دورا قالدۇقلىرىنىڭ ساقلىنىش ۋاقتى ئۇزۇن بولۇپ ، ئادەم بەدىنىگە يىغىلىپ ، جىگەر ، يۈرەك ، نېرۋا سىستېمىسىنى كاردىن چىقىرىدۇ ۋە ئاستا خاراكتىرلىك زەھەرلىنىشنى كەلتۇرۇپ چىقىرىدۇ . يۇقىرىقىغا ئوخشاش كەمچىللىكلەردىن خالى بولالمىغاچقا ئۇلار ئىشلىتىشتىن توختىدى . 20 - ئەسىرنىڭ 80 - يىللىرىغا كەلگەندە ، ئالىملار يېڭى تىپتىكى دېھقانچىلىق دورىسى رېسمېتىرىننى كەشىپ قىلدى . بۇ دورا ئۈنۈملۈك ، زەھىرى ئاز ھاشارەت ئۆلتۇرۇش دائىرىسى كەڭ ، مۇھىتقا بولغان تەسىرى ئاجىز بولغاچقا كۆپلىگەن دۆلەتلەر بۇنى تەرەققىي قىلدۇرىدىغان يېڭى تۈر قىلىپ بىكىتتى . كۆپ يىللىق تىرىشچانلىق ئارقىلىق ئالىملار يەنە ئىنسانغا ، موھىتقا زىيان يەتكۈزمەيدىغان تەقلىدى دورىلارنى ئىشلەپچىقاردى . تەقلىدى دورىلار بىئولوگىيەلىك ئۇسۇل ئاقىلىق زىيانداش ھاشارەتلەردىن ساقلىنىدىغان ئۇسۇل بولۇپ ، ئالىملار ئىزدىنىش ئارقىلىق جىنسى جەلىپ قىلىشنىڭ بىر قىسىم ھايۋانلارغا نىسبەتەن كۈچلۈك قىزىقتۇرۇش رولىنى ئوينايدىغانلىقىنى تاپتى ، شۇ خىل ئۇسۇلدىن پايدىلىنىپ ئىشلەپچىقىرىلغان دورىلار زىيانداش ھاشاراتلارنى مەلۇم ئورۇندا يوقىتىش ئىمكانىيىتىنى يارتىپ بەردى ، مەسىلەن ،پىلە ، پەرۋانە ، ئىسپىېرتى جىنسى جەلىپ قىلغۇچى دورا ، ئۇنىڭ ئەركەك پەرۋانىلەرنى جەلىپ قىلىش كۈچى ئىنتايىن كۈچلۈك ، ئۇنى ئىشلىتىش ئارقىلىق ئەركەك پەرۋانىلەرنى مەلۇم ئورۇندىكى قۇرۇلما ئىچىگە سولاپ يوقاتقىلى بولىدۇ ، قارىغاينىڭ ئەڭ يامان دۇشمەنلىرىنىڭ بىرى زەھەرلىك ئۇسۇلچى پەرۋانە ، مىكرو مىقداردىكى جەلىپ قىلىش دورىسىنى ئىشلەتسە ، ئۇلارنى يىراقلاردىن جەلىپ قىلىپ ئەكىلىپ بىراقلا يوقاتقىلى بولىدۇ ، ئۇندىن باشقا ئالىملار يەنە شال قۇرۇش كېسەللىكى ، ئالمىنىڭ سىسىپ كېتىش كېسەللىكىنىڭ ئالدىنى ئالالايدىغان ئانتىبىيۇتىكلارنى تەتقىق قىلىپ ياساپ چىقتى .

يۇقىرىدىكى تەقلىدى دورىلار پەقەت ماس كەلگەن زىيانداش ھاشارات ، كىسەللىكلەرگە نىسبەتەن رول ئوينايدۇ ، ئادەملەرگە موھىتقا زىيان يەتكۈزىمەيدۇ ، كىڭەيتىشكە ئەرزىيدۇ .^[1][0]