ئالۇچا

ئالۇچا مېۋىسىنىڭ رەڭگى سېرىق ، قارا ، قىزىل ، سۆسۆن ، يىشىل قاتارلىق رەڭلەر بولىدۇ.

ئالۇچىنىڭ ئۇششاق ئالۇچا، يۈرەكسىمان يوپۇرماقلىق ئالۇچا، ياۋا ئالۇچا، ياپىلاق ئالۇچا، گىلاسسىمان ئالۇچا، گىلاسسىمان ئاق ئالۇچا، كۈنلۈكسىمان گۈللۈك ياۋا ئالۇچا، كۆك ئالۇ، چاكونۇس ئالۇچا، قىزىل يوپۇرماقلىق ئالۇچا، قىزىل ئالۇچا، قۇم ئالۇچا، قارا ئالۇ، چاغۇجمەك مېۋىلەيدىغان ئالۇچا، سېرىق چوڭ ئالۇچا قاتارلىق تۈرلىرى بار. 

دۇنيادا ئالۇچىنىڭ 30 نەچچە ئۇرۇقدىشى ، ئاپتونۇم رايۇنىمىزدا تۆت ئۇرۇقداش 30 نەچچە خىل سورت بار . 

ئالۇچىنڭ ئاساسلىق سورتلىرى بولغان كۆكسۇلتان ، قارىئۆرۈك ، ئالگرات ، ئامىلە ، جەمھۇرە ، زەينۇرە ، بەللىس قاتارلىق سورتلىرى بار. 

ئالۇچىنىڭ تۇپراققا ۋە ھاۋا كىلىماتىغا ماسلىشىشى ياخشى ، سوغۇققا ، يۇقىرى تېمپېراتۇرىغا ، قۇرغاقچىلىققا ، نەملىككە قارشى تۇرۇشچانلىقى يۇقىرى ، بالدۇر مېۋىگە كىرىدۇ ، باشقۇرۇش ئوڭاي شۇڭلاشقا نۇرغۇن دۆلەت ۋە رايۇنلاردا دېگۇدەك ئۆستۈرۈلىۋاتىدۇ . 

ئالۇچا مېۋىسىنىڭ تەمى ياخشى، مەھسۇلاتى يۇقىرى، شۇنداقلا ئوزۇقلۇق تەركىبى مول بولۇپ، تەركىبىدە قەنىت، ئورگانىك كىسلاتا، ئاقسىل، سۇ، ۋىتامىن C، كالىتسى، فوسفۇر، تۆمۈر، ئادەم بەدىنىدە كەم بولسا بولمايدىغان ئامىنۇ كىسلاتالار مول بولىدۇ. 

ئالۇچىنىڭ تەبىئىيتى سوغۇق، ئىسسىق قايتۇرۇش، ھۆللۈك تولۇقلاش، قاننى جانلاندۇرۇش، بەلغەمنى بوشىتىش، ئاشقازان ۋە ئۈچەينى سىلىقلاش رولى بار. ئۇنىڭدىن باشقا ئالوچىدىن يەنە ئالۇچا مۇرابباسى، گۇلە، ئالۇچا شەربىتى قاتارلىق مەھسۇلاتلارنى ئىشلەپ چىقارغىلى بولىدۇ. 

ئالۇچا دەرىخى كۆركەم بولۇ ، ھاۋانى ساپلاشتۇرىدۇ، مۇھىتنى گۇزەللەشتۇرىدۇ، ئۇنىڭ ياغاچچىلىق نەققاشچىلىك جەھەتلەردىكى رولى ناھايىتى يۇقىرى. 

ئالۇچا دەسلەپ ئامېرىكا ، ياپۇنىيە ، ئاۋسترالىيە، جەنۇبىي ئافرىقا، جەنۇبىي ياۋرۇپا قاتارلىق جايلاردا ئۆستۈرۈلگەن، كېيىن ئىتالىيە، گېرمانىيە، فرانسىيە ۋە باشقا دۆلەتلەرگە كېڭەيگەن. ھازىر شىنجاڭ رايونلىرىدىمۇ ئۆستۈرۈلىدۇ.^[1]