ئاسىيا تىنىچ ئوكيان ئىقتىسادىي ھەمكارلىق تەشكىلاتى

1989-يىلى ئاۋسترالىيە زۇڭلىسى خوك كورېيە گە زىيارەتكە كەلگەندە، رايون خارەكتېرلىك مىنىستىر دەرىجىلىكلەر يىغىنى چاقىرىپ ، ئاسىيا تىنىچ ئوكيان رايونىنىڭ ئىقتىسادىنى ئىلگىرى سۈرۈش مەسىلىسىنى مۇھاكىمە قىلىش پىكىرىنى ئوتتۇرىغا قويغان. شۇ يىلى 11-ئاينىڭ 5-كۈنىدىن 7-كۈنىگىچە ئاۋسترالىيە، ئامېرىكا، كانادا، ياپونىيە، كورېيە، يېڭى زىلاندىيە ۋە شەرقىي جەنۇبىي ئاسىيا ئەللىرى ئىتتىپاقىغا ئەزا 6 دۆلەت ئاۋسترالىيە پايتەختى كانبررادا، ئاسىيا تىنىچ ئوكيان رايونى ئىقتىسادىي ھەمكارلىق مەسىلىسى بويىچە مىنىستىر دەرىجىلىكلەر يىغىنى چاقىرغان. بۇ «ئاسىيا تىنىچ ئوكيان ئىقتىسادىي ھەمكارلىق يىغىنى» نىڭ رەسمىي قۇرۇلغانلىقىدىن دىرەك بېرىدۇ.

1993-يىلى 6-ئايدا تەشكىلات نامى «ئاسىيا تىنىچ ئوكيان ئىقتىسادىي ھەمكارلىق تەشكىلاتى» (Asia-Pacific Economic Cooperation --- APEC) قىلىپ ئۆزگەرتىلگەن. 

ئاسىيا تىنىچ ئوكيان ئىقتىسادىي ھەمكارلىق تەشكىلاتىغا جۇڭگو چوڭ قۇرۇقلۇقى، جۇڭگو شياڭگاڭ ۋە جۇڭگو تەيۋەن 1991-يىلى 11-ئايدا بۇ تەشكىلاتقا بىرلا ۋاقىتتا ئەزا بولغان.

ئاساسلىق فونكسىيەسى-رايون ئىقتىسادىنىڭ مۇقىملىقى ۋە تەرەققىياتىنى قوغداش، ئەزا ئەللەرنىڭ ئىقتىسادىغا ياردەم بېرىش، كۆپ تەرەپلىمىلىك سودىنى راۋاجلاندۇرۇش، رايونلار ئارىسىدىكى ئىقتىسادىي پەرقنى ئازايتىشتىن ئىبارەت.