قوي سۈتى

ھەممىگە تونۇشلۇق بولغان ھايۋان قوي سۈتى بولۇپ، «قوي سۈتى» نامىدا دورىغا ئىشلىتىلىدۇ.

ھەر 100 گىرام سۈتنىڭ تەركىبىدە 87 گىرام سۇ، 3.8 گىرام ئاقسىل، 4.1 گىرام ياغ، 5 گىرام كاربوھىدرات، ۋىتامىن C ,A لار بار. كالا سۈتى بىلەن سېلىشتۇرغاندا قوي سۈتىنىڭ تەركىبىدە ئاقسىل ۋە ياغنىڭ مىقدارى مول بولىدۇ، ئۆچكە سۈتى بىلەن قوي سۈتىنىڭ تەركىبىدە ياغ كىسلاتاسى، پالمىتىك كىسلاتاسى (Palmitic acid) تېخىمۇ كۆپ. ئۆچكە سۈتىنىڭ تەركىبىدىكى مىرىستىك كىسلاتا (Myrisicin acid) قوي سۈتىنىڭكىگە قارىغاندا كۆپ بولىدۇ.

ئىككىنچى دەرىجىدە قۇرۇق ئىسسىق.

«تەبىئەت» نى ۋە ئۆپكىنى قۇۋۋەتلەش، قان كۆپەيتىش، سەمرىتىش، مىڭىنى قۇۋۋەتلەش.

بەدەن ئاجىزلىق، بەدەن ئۇرۇقلاش، سىل كېسەللىكى، تۇتقاقلىق كېسەل قاتارلىقلارغا ئىشلىتىلىدۇ.

1. سۆئلەپ مىسىرى، شاقاقۇل، بادام مېغىزى ھەر بىرى 10 گىرامدىن، يۇمشاق سوقۇپ 100 گىرام قوي سۈتىگە ئارىلاشتۇرۇپ ئىچسە، بەدەننى قۇۋۋەتلەيدۇ. سەمرىتىدۇ، سىل كېسىلىگە شىپا بولىدۇ.

2. ئۈستىقۇددۇس، لاچىندانە، قەلەمپۇر 10 گىرامدىن، زەپەر 2 گىرام، قوينىڭ سۈتى 150 گىرام، ئۈستىقۇددۇس، لاچىندانە، قەلەمپۇرنى يۇمشاق سوقۇپ، قوينىڭ سۈتىگە ئارىلاشتۇرۇپ، ئاخىرىدا زەپەرنى تەكشى ئارىلاشتۇرۇپ، ئىستېمال قىلسا تۇتقاقلىق كېسەلگە شىپا بولىدۇ.

مۇۋاپىق مىقداردا.

باشقا زىيان قىلىدۇ.

كالا سۈتى، ئۆچكە سۈتى.

دۇنيانىڭ ھەممە جايلىرىدىن چىقىدۇ.^[0]