كشمىش ئۈزۈم

كىشمىش ئۈزۈممېۋىسى ئۇزۇن يۇمىلاق دانىسى ئوتتۇراھال چوڭ ، بىر ساپاق ئۈزۈمنىڭ ئوتتۇرىچە ئېغىرلىقى 210 - 250 گرام ، ئەڭ يۇقىرى بولغاندا بىر كىلوگرام كېلىدۇ . ئۈزۈم دانىسى تۇخۇم شەكىللىك ، يەككە ئېغىرلىقى 12 گرام كېلىدۇ . مېۋە پوستى رەڭگى سارغۇچ يېشىل ، قېلىن ، چۈرۈك ، تاتلىق ، پۇراقسىز ، قەنت مىقدارى % 25 - 21 ئەتراپىدا ئۇرۇقسىز ، سۈپىتى ئەلا . تۈپىنىڭ ئۆسۈشى كۈچلۈك ، بۇ ئۈزۈم 8 - ئاينىڭ ئوتتۇرلىرىدىن باشلاپ پىشىشقا باشلايدۇ .

چوڭ دانىلىق كىشمىش ئۈزۈم

چوڭ دانىلىق كىشمىش ئۈزۈمچوڭ دانىلىق كىشمىش ئۈزۈم كىشمىش ئۈزۈمىنىڭ بىخ ئۆزگىرىشىدىن كېلىپ چىققان تۈر بولۇپ ، پىچاننىڭ خاندۇ دېگەن يىرىدە بايقالغان. دانىسى چوڭ ، مېۋىسى شالاڭ ،يۇمىلاق كىشمىش ئۈزۈمدىن بىر ھەسسە چوڭ . پوستى نېپىز ، شىرنىلىك تاتلىق بالدۇر پىشىدۇ ،مەھسۇلاتى تۆۋەن ، يوپۇرمىقى چوڭ ھەم قېلىن ، رەڭگى قېنىق يېشىل . تۈپىنىڭ شاخلىنىش ئىقتىدارى ئاجىزراق ، بوغۇم ئارلىقى قىسقا ، شاخلىرى چۈرۈك ، ئاسان سۇنىدۇ ، سوغۇققا ۋە قۇرغاقچىلىققا قارىشى تۇرۇش ئىقتىدارى ئاجىز .

 ئۇزۇن دانىلىك كىشمىش ئۈزۈم 

ئۇزۇن دانىلىك كىشمىش ئۈزۈم ئۇزۇن دانىلىك كىشمىش ئۈزۈم  كىشمىش ئۈزۈمىنىڭ ئۆزگەرگەن تۈرى بولۇپ ، تۇرپان، پىچان رايۇنلىرىدا ئۆستۈرۈلىدۇ . مېۋە دانىسى ئۇزۇن ، چوڭلۇقى ئاقسايۋا ئۈزۈمىچىلىك كىلىدۇ ، مېۋىسى شالاڭ ، ئېتى چۈرۈك تاتلىق ، شاخلىنىش ئىقتىدارى ئاجىز ، مەھسۇلاتى تۆۋەن ، كېسەللىككە قارشى تۇرۇشچانلىقى ئاجىزراق ، تېخى كەڭ كۆلەمدە كېڭەيتىلمىدى . 

كىشمىش ئۈزۈمكىشمىش ئۈزۈم مەھسۇلاتى يۇقىرى ھۆل يىيىشكە ۋە قۇرۇتۇشقا ناھايىتى مۇۋاپىق كېلىدۇ ، توشۇش ۋە ساقلاشقا چىداملىق ، ماسلىشىشچانلىقى يۇقىرى ، ھەر تۆت كىلوگرام ھۆل ئۈزۈمدىن بىر كىلوگرام يا ئۇنىڭدىن ئارتۇق قۇرۇق ئۈزۈم ئالغىلى بولىدۇ .

كىشمىش ئۈزۈم سورتى ئاپتونۇم رايۇنىمىزنىڭ قەدىمكى سورتلىرىدىن بولۇپ ، شىنجاڭنىڭ ھەر قايسى جايلىرىدا ، بولۇپمۇ تۇرپان رايۇنىدا ئاساسلىق ئۆستۈرۈلىدۇ ، ئۆستۈرۈلۈش كۆلىمى تىرىلغۇ يەر مەيدانىنىڭ % 65 -75 ىنى ئىگىلەيدۇ.

^[1][0]