ئاقمۇچ

ئاقمۇچ  ئۆسۈملۈك قارىمۇچ مېۋىسىنىڭ پىشقاندىن كېيىن قىزارغان ۋاقتىدا پوستى ئېلىۋېتلگەن، رەڭگى ئاقىرىپ قالغان مېۋىسى بولۇپ، «ئاقمۇچ» نامىدا دورىغا ئىشلىتىلىدۇ. قارىمۇچ ئائىلىسىدىكى ياغاچ غوللۇق پىلەكلىك ئۆسۈملۈك بۇلۇپ، كۈز پەسلىنىڭ ئاخىرى ياكى 2 – يىلى ئەتىياز پەسلىگىچە مېۋىسى پىشقان ۋاقتىدا ئۈزۈپ كېلىپ يېغۋىلىنىدۇ. ھىندىستاندىن ھەم ئېلىمىزنىڭ خەينەنداۋ ۋە يۈننەن ئۆلكىلىرىدىن چىقىدۇ.

خۇسۇسيىتى

ئاشقازاننى قۇۋۋەتلەش، ھەزىمنى ياخشىلاش، تارقىتىش، ھۆللۈكلەرنى قۇرۇتۇش، نېرۋىلارنى قۇۋۋەتلەش، غەيرىي تەبىئىي بەلغەم خىلىتىنى ۋە ھۆل سوغۇق كەيپىياتنى تەڭشەش، تەرلىتىش، بەدەننى قىزىتىش، ئىششىق تارقىتىش، ئاغرىق پەسەيتىش، يۈرەكنى قوزغىتىش، پەيلەرنى قۇۋۋەتلەش، زەھەر قايتۇرۇش، باھنى قۇۋۋەتلەش.

تەبىئىتى

ئۈچىنچى دەرىجىدە قۇرۇق ئىسسىق.

خاس تەسىرى

ئاشقازان-ئۈچەينى قۇۋۋەتلىگۈچى دورا.

ئەكىس تەسىرى

ئىسسىق مىزاج كىشىلەردە گال ئاغرىقى پەيدا قىلىدۇ.

فارماكولوگىيىلىك تەسىرى

1.تارتىشىپ قېلىشقا قارشى تەسىرى بار.

2. تىنچلاندۇرۇش تەسىرىگە ئىگە.

3. قارىمۇچنىڭ سۇ ياكى ئىستر ياكى ئىسپىرت بىلەن ئېلىنغان ماددىسى چوڭ چاشقانغا قىلىنغان تەجرىبىدە تاسما قۇرتىنى چۈشۈرۈش تەسىرىنى بەرگەن.

1. ئاقمۇچ، پىلپىل، زەنجىۋىلنى مۇۋاپىق مىقداردا ئېلىپ سوقۇپ، سۇپۇپ قىلىپ ئىچسە، تاماق سىڭدۈرىدۇ. يەل تارقىتىدۇ، سېسىق كېكىرىشنى يوقىتىدۇ.

2. ئاقمۇچنى تۇخۇم سېرىقى بىلەن سۇپۇپ تەييارلاپ ئىچسە، بەدەننى قىزىتىدۇ، باھنى قۇۋۋەتلەيدۇ.

3. ئۈستىقۇددۇس 10 گرام، سازەج 15 گرام، سۇمبۇل 10 گرام، ئاقمۇچ 10 گرام، سۇپۇپ تەييارلاپ، كۈندە ئىككى ۋاق 10 ~ 5 گرامغىچە ئىچسە، مېڭە ۋە يۈرەكنى قۇۋۋەتلەيدۇ

دورىلىق ئورنى

مېۋىسىنىڭ پىشقاندىن كېيىن قىزارغان ۋاقتىدا پوستى ئېلىۋېتلگەن، رەڭگى ئاقىرىپ قالغان مېۋىسى.

مىقدارى

6 ~ 4 گرام

ساقلاش

ئاپتاپتا قۇرۇتۇپ ساقلىنىدۇ.

تۈزەتكۈچىسى

بىنەپشە، نىلۇپەر

ئورۇن باسارى

زەنجىۋىل، پىلپىل

ھەزىم ئاجىزلىقى، ئىشتىھاسىزلىق، ئاشقازان سوۋۇپ كېتىش، ئاشقازان تۆۋەنلەش، نېرۋا ئاجىزلىقى، چىش ئاغرىقى، سېسىق كېكىرىش، سوغۇقتىن بولغان دەم سىقىش، كۆكرەك ئاغرىقى، سۈيدۈك تۇتالماسلىق، باھ ئاجىزلىقى، بۆرەك ۋە بەدەن سوۋۇپ كېتىش قاتارلىق كېسەللىكلەرگە ئىشلىتىلىدۇ.

مېۋىنـىـڭ تـەركـىـبـىـدە قـارىـمـۇ ئىشـقـارى پېپـرىن (Piperin)كاۋىتسىن (Chavicine) ، پىپرانىن (Piprolene)، پىپرىلىسىن، (Pipryline)، پىپرولېئىن (Piprolene)،ئۇچۇچان ماي قاتارلىقلار بار.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى ^[0]