دۇرۇنەج ئەقرەبى

يۈرەك، ئاشقازان، جىگەر، پەي ۋە نېرۋىلارنى قۇۋۋەتلەش، بەدەننى قىزىتىش، ئارتۇق ھۆللۈكنى قۇرۇتۇش، يەلنى تارقىتىش، ئاغرىق پەسەيتىش، ھامىلىنى ساقلاش، زەھەر قايتۇرۇش.

ۋەكىل خاراكتېرلىك پىششىق دورا ياسالمىسى

مەجۈنى دۇرۇنەج.مۇپەررىھى ياقۇت،لوبۇبى كەبىر، داۋائىي مىشكى.

ئىران، خۇراسان قاتارلىق چەتئەللەردىن چىقىدۇ،ھىندىستاندىنمۇ مۇشۇ تۈر بىلەن مۇناسىۋەتلىك بولغان ئۆسۈملۈك بولۇپ، بۇنىڭ قۇۋۋىتى خۇراساندىن چىقىدىغان دۇرۇنەجدىن تۆۋەن.

دورىلىق ئورنى

يىلتىزى

سۈپىتىنى ئېنىقلاش

بۇنىڭ ئەڭ ياخشىسى بىرئاز ئاچچىق، خۇشبۇي، قاتتىق، ئىچى ئاق بولغىنىدۇر. 

يۈرەك ئاجىزلىقى، يۈرەك قوزغىلىش، ئۇنتۇغاقلىق، تۇتقاقلىق كېسىلى، مالېخولىيا، پەي ۋە نېرۋا ئاجىزلىقى، پالەچ، يۈز نېرۋىسىنىڭ پالىچى، ۋابا، ئاميوبالىق تولغاق، چۇما، ئادەتلەنگەن بويىدىن ئاجراش قاتارلىقلارغا ئىشلىتىلىدۇ.

خاس تەسىرى

يۈرەك مۇسكۇلىنى قۇۋۋەتلەش، ماددا ئالمىشىشنى ياخشىلاش، ئومۇمىي بەدەننى قۇۋۋەتلەش

ئورۇنباسارى

زورۇمبات

ئەكىس تەسىرى

ئىسسىق مىزاجلىق كىشىلەرنىڭ بېشىنى ئاغرىتىدۇ.

تۈزەتكۈچىسى 

 تەمرى ھىندى، بىنەپشە

1. كاپۇر، دۇرنەج 12 گرامدىن، جەدۋار، بىنەپشە 4 گرامدىن. يۇمشاق سوقۇپ، ئەرىقى گۇلاب بىلەن خېمىر قىلىپ كۇمىلاچ تەييارلاپ ئىچسە، يۈرەك ۋە نېرۋا كېسەللىكلىرىگە پايدا قىلىدۇ.

2. دورنەج ئەقرەبى 10 گرام، زەپەر 7 گرام، داۋائى مىشكى 20 گرام، جەدۋار 30 گرام. ھەسەل بىلەن ئارىلاشتۇرۇپ، مەجۈن تەييارلاپ ئىچىپ بەرسە، يۈرەككە قان يېتىشمەسلىككە مەنپەئەت قىلىدۇ.

3. بادرەنجى بۇيا 10 گرام، ئۈستىقۇددۇس 10 گرام، دورۇنەج ئەقرەبى 10 گرام، غارىقۇن 7 گرام، گاۋزىبان 10 گرام، لاچىندانە 7 گرام.  سۇپۇپ تەييارلاپ ئىچىپ بەرسە، ئۇنتۇغاقلىق، سەرئى، مالىخولىيا قاتارلىقلارغا مەنپەئەت قىلىدۇ.

يىغىش 

كۈز ۋە قىشتا كولاپ ئېلىنىپ يىغۋىلىندۇ.

ساقلاش 

يۇيۇپ قۇرۇتۇپ ساقلىنىدۇ.^[0]