ئاقساراي يېزىسى

ئاقساراي يېزىسىئاقساراي يېزىسى بۈگۈر ناھىيەسى گە قاراشلىق يېزا. 1958-يىلى ئاقبۇلاق گۇڭشېسى بۇلۇپ قۇرۇلغان. 1984-يىلى ئاقبۇلاق يېزىسى بۇلۇپ تەسىس قىلىنغان،  1988-يىلى تارلاق يېزىسى ۋە ئاقساراي يېزىسىغا ئايرىلغان. 

ناھىيە بازىرى بىلەن بولغان ئارىلىقى توققۇز كىلومېتىر، كۆلىمى 211.8 كۋادرات كىلومېتىر، نوپۇسى 4000، بۇنىڭ ئىچىدە ئۇيغۇرلار %99.4 نى ئىگىلەيدۇ. قاراشلىق سۆگەت كەنتى، ئاقساراي كەنتى، ئۆتەڭ كەنتى، ئاقساراي چارۋىچىلىق كەنتىدىن ئىبارەت تۆت كەنت كومىتېتى بار. تەۋەلىگىدە بۇلاق سۇلىرى كۆپ، سۇ بايلىقى مول. ئىقتىسادى يېزا ئىگىلىكىنى ئاساس قىلىدۇ، چارۋىچىلىق، باغۋەنچىلىك قوشۇمچە قىلىنىدۇ. 

ئاقساراي يېزىسىئاقساراي يېزىسى تاغلارنىڭ ئالدىدىكى كەلكۈن چۆكۈندى-تىنما تۈزلەڭلىكىگە جايلاشقان، شىمالى ئېگىز، جەنۇبى پەس بولۇپ، يانتۇلۇقى چوڭ. يېزىلىق ھۆكۈمەت تۇرۇشلۇق جاينىڭ دېڭىز يۈزىدىن ئېگىزلىكى 1017 مېتىر. ئاقساراي يېزىسى يېزىلىق ھۆكۈمەت تۇرۇشلۇق جاي، بۈگۈر بازىرىنىڭ شىمالىغا 9 كىلومېتىر كېلىدىغان جايغا جايلاشقان، شەرقتە يېڭىسار بازىرى بىلەن تۇتىشىدۇ، غەربىي تەرىپى چۇمپاق بازىرى بىلەن دەريانىڭ ئىككى يېقىدا قارىشىپ تۇرىدۇ، جەنۇبتا بۈگۈر بازىرى، شىمالدا تارلاق يېزىسىغا تۇتىشىدۇ، شەرقتىن غەربكە ئۇزۇنلۇقى 10 كىلومېتىر، جەنۇبتىن شىمالغا كەڭلىكى 20 كىلومېتىر، پۈتۈن يېزىنىڭ ئومۇمىي كۆلىمى 650 كۋادرات كىلومېتىر كېلىدۇ. 

ئاقساراي يېزىسىئاقساراي يېزىسىغا قاراشلىق ئۈچ يېزا ئىگىلىك كەنت ئاھالە كومىتېتى، بىر كەنت ئاھالە كومىتېتى ۋە بىر يېزا باشقۇرۇشىدىكى دېھقانچىلىق مەيدانى، بىر چارۋىچىلىق مەيدانى، جەمئىي 18 كەنت ئاھالە گۇرۇپپىسى بار. 2012-يىلى يېزا بويىچە ئومۇمىي ئاھالە سانى 1779، 6247 كىشى، ئۇيغۇر، خەنزۇ، خۇيزۇ قاتارلىق ئۈچ مىللەت ئولتۇراقلاشقان، ئۇيغۇرلارنىڭ نوپۇسى 5592 ئادەم، ئومۇمىي نوپۇسنىڭ %89 نى، خەنزۇ 634 نەپەر، ئومۇمىي نوپۇسنىڭ %10 نى ئىگىلەيدۇ، خۇيزۇلار 18 ئادەم، ئومۇمىي نوپۇسىنىڭ %1 نى ئىگىلەيدۇ. 

ئاقساراي يېزىسىئاقساراي يېزىسىنىڭ تېرىلغۇ يەر كۆلىمى 14 مىڭ 600 مو، باغ كۆلىمى 7450 مو، 2011-يىلى يېزا بويىچە يېزا ئىقتىسادىي ئومۇمىي كىرىمى 6266.08 تۈمەن يۈەن، چارۋىچىلارنىڭ يىللىق ئوتتۇرىچە ساپ كىرىمى 8696 يۈەن بولغان. ^[0]