ئەزپارەتتىپ

بۇ سۇدا بولىدىغان كىچىك جانلىقلارنىڭ قېپى بولۇپ، قاتتىق، تىرناققا ئوخشايدۇ، رەڭگى قىزىل، ئاققا مايىل، كۆك، قارا، ھەر خىل رەڭلەردە بولۇپ، پۇرىقى خۇشبۇي ئۆزى قاتتىق كېلىدۇ. خەلق ئارىسىدا بۇنى «قۇلۇلە قېپى» دەپمۇ ئاتايدۇ. بۇ قاپ «ئەزپارەتتىپ» نامىدا دورىغا ئىشلىتىلىدۇ.

ئىككىنچى دەرىجىدە قۇرۇق ئىسسىق.

ئاغرىق پەسەيتىش، تىنچلاندۇرۇش، ئارتۇق ھۆللۈكلەرنى قۇرۇتۇش، ماددىلارنى يۇمشىتىش.

باش ئاغرىقى، بىھوشلۇق، ھۆللۈكتىن بولغان يۈرەك رىتىمسىزلىقى، ئاشقازان كېسىلى، ئاشقازان ۋە بالىياتقۇنىڭ سوغۇقتىن ئاغرىشى، بالىياتقۇنىڭ بوغۇلۇپ قېلىشى، كۆپ تەرلەش ھەم سوغۇقتىن بولغان ھەر خىل كېسەللىكلەرگە ئىشلىتىلىدۇ.

1. ئەپىيۇن 0.01 گىرام، بەزىرۇلبەنجى 2 گىرام، شىنجاڭ بالدىرغىنى 2 گىرام، ئەزپارەتتىپدىن 5 گىرام ئېلىپ سۇپۇپ قىلىپ ئىچىشكە بەرسە ياكى گۈل يېغى بىلەن مەلھەم قىلىپ باش ساھەسىگە چاپسا، باش ئاغرىقىنى پەسەيتىدۇ.

2. ئەزپارەتتىپ 5 گىرام، ئۇسۇڭ ئۇرۇقى 5 گىرام، ئىتياڭىقى ئۇرۇقى 0.03 گىرام، بەزىرۇلبەنجى 5 گىرام، كەندىر 3 گىرام، سۇپۇپ قىلىپ ئىچىپ بەرسە ئاغرىق پەسەيتىپ، نېرۋىنى تىنچلاندۇرىدۇ.

9 ~1 گىرام.

ئىسسىقتىن بولغان باش ئاغرىقى ۋە تولغاق كېسىلى بولغانلارغا بېرىشكە بولمايدۇ.

باش ئاغرىقىغا سىركەنجىۋىل، تولغاققا گىل ئەرمىنى قوشۇپ بېرىلىدۇ.

قەسبۇززەرىرە.

ئېلىمىزنىڭ دېڭىزلىرىدىن چىقىدۇ.

سۇپۇپى ئەزپارەتتىپ.^[0]