ئالاغىر قوغۇن

ئالاغىر قوغۇن ئاپتونۇم رايۇنىمىزنىڭ يوپۇرغا ، مارالبېشى رايۇنلىرىدا تېرىپ ئۆستۈرۈلىدۇ . بۇ خىل سورتنىڭ ئۆسۈش كۈچى ئاجىز ، ئاساسىي پىلەكنىڭ ئۇزۇنلۇقى 251 سانتىمېتىر . توملۇقى 1.4 سانتىمېتىر ، شاخلىنىش كۈچى ئوتتۇراھال ، پۈتكۈل ئۆسۈپ يېتىلىش ۋاقتى 105 -118 كۈن ئەتراپىدا ، پىشقاندىكى يەككە ئېغىرلىقى 6.4 كىلوگرام كېلىدۇ،  بۇ خىل سورت توشۇشقا بىر قەدەر چىداملىق ، ساقلاشقا چىدامسىز ، كېسەللىككە قارشى تۇرۇشچانلىقى ياخشى.

بىرىنچى ئاتىلىق گۈل چېچىكى ئاساسى پىلەكنىڭ يەتتىنچى بوغۇمىدا ، بىرىنچى ئانىلىق گۈل چېچىكى ئاساسى پىلەكنىڭ ئالتىنچى بوغۇمىدىن چىققان يان پىلەكنىڭ بىرىنچى بوغۇمدا ئۆسىدۇ . ئانىلىق گۈل ئېچىلىپ 58 -62 كۈن بولغاندا مېۋىسى پىشىدۇ ، گۈلى قوش جىنىسلىق . 

مېۋىسى 

ئالاغىر قوغۇن شەكلى ئېللىپىسمان ، دىئامېتىرى 20.2 * 33.3 سانتىمېتىر ، پىشقاندا مېۋە ساپىقى تەبىئىي ئۈزۈلمەيدۇ، شاپاق تەگ رەڭگى بوز رەڭدە ئۈستىدە يېشىل رەڭلىك تىلىم ئىزى شەكىللەنگەن ، شاپىقىنىڭ قېلىنلىقى 1.1 سانتىمېتىر ، ئېتىنىڭ قېلىنلىقى 5.9 سانتىمېتىر ، رەڭگى قىزغۇچ ، شىرنىلىك ،تالاسى كۆپ ، تەمى ئوتتۇراھال تاتلىق، قەنت مىقدارى % 12 - 7 ئەتراپىدا .

ئۇرۇقى 

ئۇرۇقى سېرىق رەڭدە ، ئېللىپىس شەكىللىك بولۇپ ، ئۇزۇنلۇقى 1.3 سانتىمېتىر ، كەڭلىكى 0.55 سانتىمېتىر ، مىڭ دانىسىنىڭ ئېغىرلىقى 63 گرام كېلىدۇ .^[0]