زەينۇرە

زەينۇرە ئاپتونۇم رايۇنىمىزنىڭ ئىلى ، قەشقەر، يەكەن قاتارلىق رايۇنلىرىدا ئۆستۈرۈلىدۇ ، دەرەخ شەكلى ئامىلە دەرىخىگە ئوخشىشىدۇ ، ئۆرۈك، شاپتۇل ، ئالگرات كۆچەتلىرىگە ئۇلاش ئارقىلىق كۆپەيتىلىدۇ ، يوپۇرمىقى قارا يېشىل رەڭدە، مېۋىسى 7 - ئاينىڭ ئوتتۇرىلىرى ئوبدان پىشىدۇ . 

مېۋە شەكلى ۋە تەمى 

مېۋىسى توق قىزىل بېغىرەڭ ، كۈن نۇرى تەگكەن تەرىپى قارامتۇل جىگەررەڭ ، مېۋىسى سىرتىدا سىزىقچىلىرى بار ، چوڭلۇقى ئۆرۈكتەك ، شەكلى بۆرەكسىمان ، ئېتى يېشىل ، سىلىق ، يۇمشاق ، چۈچۈمەل ، خۇشپۇراق ، شىرنىلىك ، سۇلۇق ، ئېتى ئۇرۇقچىسىغا چىڭ چاپلىشىپ تۇرىدۇ ، مېغىز رەڭگى ئاق سېرىق.

زەينۇرەنىڭ ئۇيغۇر تيىبابىتىدە ئۇسسۇزلۇقنى قاندۇرۇش ، خىلىتلارنى تەڭشەش ، سۈيدۈك ھەيدەش ، بەدەندىكى ھۆللۈكنى تولۇقلاش قاتارلىق روللىرى بار . ئۇنى ھۆل پېتى ئىستىمال قىلىشقا ، ۋارىنە ، مۇراببا ياساشقا بولىدۇ . ^[0]