يوكوخاما

يوكوخاما شەھىرى ياپونىيىنىڭ ئەڭ چوڭ سودا پورتى، دۇنيا بويىچە ئاتاقلىق پورتلارنى بىرى. توكيو، ئوساكالاردىن قالسا ئۈچىنچى چوڭ شەھىرى، توكيو-يوكوخاما سانائەت رايونىنىڭ مۇھىم يادروسى. بۇ شەھەر توكيو قولتۇقىنىڭ غەربىگە جايلاشقان بولۇپ، توكيونىڭ سىرتقى پورتى بىلەن بولغان ئارىلىقى 30 كىلومېتىر كېلىدۇ. يەر مەيدانى 435 كۋادرات كىلومېتىر، ئاھالىسى 3 مىليون 719 مىڭدىن ئاشىدۇ(2015-يىلى 6-ئاينىڭ 1-كۈنى). شەھەردىكى يەر ئاستى تۆمۈر يولى 1972-يىلى سېلىنغان. 

يوكوخاما شەھىرى كاناگاۋا ناھىيەسىنىڭ شەرقى قىسىمىغا جايلاشقان بولۇپ شەرقىي قىسم ئۇزۇنلۇق139°38 دىن 139°27، شىمالىي كەڭلىك 35°35 دىن 18 °35. يۆنىلىشلىك جەنۇب تەرىپى توكيو قولتۇقىغا تۇتىشىدۇ. كاناگاۋا، كاۋاساكى شەھىرى، يوكوسۇكا شەھىرى، سۇشىدا شەھەر ۋە توكيو ماچى شەھىرى بىلەن چېگراداش. 

يوكوخاما 1859-يىلى پورت بولۇپ قۇرۇلغان. 1889-يىلى شەھەر بولۇپ قۇرۇلغان. 1923-يىلى گۇەندۇڭ چوڭ يەر تەۋرىشىدە زور بۇزغۇنچىلىققا ئۇچۇرىغان. ھازىر يىلىغا 100 مىليون توننىدىن ئوشۇق يۈكنى بىر تەرەپ قىلالايدىغان زامانىۋى چوڭ پورتقا ئايلاندى. 

 شەھەرنىڭ ماشىنىسازلىق، ئاپتوموبلى، كېمىسازلىق، نېفىت ئايرىش، ئېلېكتر ماشىنىلىرىنى ئىشلەپچىقىرىش، پولات-تۆمۈر، خىمىيە قاتارلىق سانائەتلىرى ئالاھىدە مۇھىم ئورۇن تۇرىدۇ. بۇ پورت ئارقىلىق ئاپتوموبىل، پاراخوت قاتارلىق سانائەت مەھسۇلاتلىرى ئېكسپورت قىلىنىدۇ. نېفىت، كۆمۈر قاتارلىق سانائەت خام ئەشيالىرى ئىمپورت قىلىنىدۇ. شەھەرنىڭ سانائىتىدىن باشقا سودا-سېتىق، پەن-تېخنىكا، قاتناش ترانسىپورت، ساياھەتچىلىك ئىشلىرى زور دەرىجىدە تەرەققىي قىلغان.^[0]