چۆل رەيھىنى

چۆل رەيھىنى  بولسا كالپۇكسىمان گۈللۈكلەر ئائىلىسىدىكى چاتقالسىمان دائىم ياشىرىپ تۇرىدىغان سامان غوللۇق ئۆسۈملۈك بولۇپ،بۇ ئۆسۈملۈكنىڭ پۈتۈن چۆپى «ھاشا» ياكى «چۆل رەيھىنى» نامىدا دورىغا ئىشلىتىلىدۇ.شىنجاڭنىڭ ھەرقايسى جايلىرىدىن چىقىدۇ.

توسالغۇلارنى ئېچىش، ئاشقازان – ئۈچەينى قۇۋۋەتلەش، چىرىشنىڭ ئالدىنى ئېلىش، تەرلىتىش، يەل تارقىتىش، ئىششىق قايتۇرۇش، بالا ھەمرىھىنى ۋە ئۆلۈك ھامىلىنى چۈشۈرۈش، يۇمشىتىش، قۇرت ئۆلتۈرۈش، سۈيدۈك ۋە ھەيزنى راۋان قىلىش، بەلغەم بوشىتىش خۇسۇسىيىتىگە ئىگە.

ئەكىس تەسىرى

ئۆپكىگە قۇرۇقلۇق يەتكۈزىدۇ.

1. باكتېرىيىگە قارىشى تۇرۇش تەسىرى بار. ئېغىز بوشلۇقى ۋە يۇتقۇنچاق شىللىق پەردىلىرىدىكى ياللۇغلىنىشقا قارىتا بىر قەدەر ياخشى بولغان باكتېرىيە ئۆلتۈرۈش رولى بار، قۇرت يىگەن چىشقا نىسبەتەن چىرىشكە قارشى تۇرىدۇ. تېرىدىكى زەمبۇرۇغلارغا قارىتا بەلگىلىك داۋالاش رولى بار. 2. قۇرت ئۆلتۈرۈش تەسىرى بار. 3. بەلغەم بوشىتىش تەسىرىگە ئىگە. 4. يەل ھەيدەش تەسىرىگە ئىگە.

1. ھاشانى تۇز ۋە سىركە بىلەن قوشۇپ ئىچسە ياكى ئەرەق تارتىپ ئىستېمال قىلسا، يۇقىرىقى كېسەللىكلەرگە پايدا قىلىدۇ. 2. 7 گرام ھاشانى سىركە بىلەن ئېزىپ يەرلىك ئورۇنغا سۈركىسە، ھەر خىل ئىششىق ۋە ئۇيۇپ قالغان قاننى تارقىتىدۇ ھەمدە يەلتاشما، مۇدۇرلارنى يوقىتىدۇ، تەڭگىسىمان چاچ چۈشۈشكە سۈركىسە پايدا قىلىدۇ. 3. يەرلىك شوخلا، ئىكلىلمىلىك، بابۇنە، ھاشالارنى 7 گرامدىن ئېلىپ قاينىتىپ ۋاننا قىلسا ئىششىق تارقىتىدۇ؛

ئىشلىتىلىشى

ھەر خىل ئىششىقلار، قەۋزىيەت،ئۈچەي قۇرتلىرى، پالەچ، لەقۋا، يۆتەل، ئۈچەي توسۇلۇش (قۇلۇنجى)، قورساق ئېسىلىش، ھەزىم ناچارلىقى، سۈيدۈك تۇتۇلۇش، ھەيز توسۇلۇش، جىگەر ئاجىزلىقى قاتارلىقلارغا ئىشلىتىلىدۇ.

مىقدارى

5 ~ 7 گرام

ساقلاش 

ياز پەسلىدە يىغىۋېلىنىپ لاي لاتقىلىرى تازىلىۋېتىلگەندىن كېيىن ئاپتاپتا قۇرۇتۇلۇپ سايە سالقىن جايدا ساقلىنىدۇ.

تۈزەتكۈچىسى

كەتىرا

ئورۇنباسارى

ئەفتىمۇن، سەئتەر.

پۈتۈن چۆپىنىڭ تەركىبىدە ئۇچۇچان %0.5 ~ %0.15 ماي بار، ماينىڭ ئاساسلىق تەركىبى تىمول (Thymol )، كارۋىكرول (carvacrol )،γ– تىرىپنىن (γ-Terpinene)،ρ - تىسمول (p-cymul)، پىنىن (Pinene) قاتارلىقلاردىن ئىبارەت.

ھامىلىدار ئاياللارغا بېرىش چەكلىنىدۇ.

^[0]