گاسلىق

سەۋەبى: بۇ كېسەللىك، تۇغما، ياشنىڭ چوڭىيىشى، بەدەن قۇۋۋىتىنىڭ ئاجىزلىشىشى، زەخىم، قىزىتمىلىق كېسەللىكلەر، مىجەز بۇزۇلۇش، دورىلارنىڭ زەھىرى ۋە قۇلاق پەردىلىرىنىڭ يىرتىلىشى سەۋەبىدىن كېلىپ چىقىدۇ.

ئالامىتى: دەسلەپ ئاڭلاش قۇۋۋىتى ئاجىزلىشىش، بارا-بارا پۈتۈنلەي ئاڭلىيالماسلىق، بەزىدە توساتتىنلا پۈتۈنلەي ئاڭلىيالماسلىق ئالامىتى بىلەن ئىپادىلىنىدۇ.

1-رېتسېپ

تەركىبى: ياۋا بېدە 20 گىرام، مەرزەنجۇش، بەرەنجاسىپ، بابۇنە 40 گىرامدىن، سۇ مۇۋاپىق مىقداردا.

تەييارلاش ئۇسۇلى: دورىلارنى سۇدا قاينىتىپ، سۈيىنىڭ يېرىمى قالغاندا سۈزۈپ تەييارلىنىدۇ.

ئىشلىتىش مىقدارى: كۈنىگە بىر قېتىم گەدەنگە سۈرۈلىدۇ.

2-رېتسېپ

گاسلىقتەركىبى: سامساق بىر باش، قوي ئۆتى بىر دانە، ياڭاق يېغى 40 گىرام.

تەييارلاش ئۇسۇلى: سامساقنى يانجىپ، قوي ئۆتى بىلەن ئارىلاشتۇرۇپ، ياڭاق يېغىغا سېلىپ تەييارلىنىدۇ.

ئىشلىتىش مىقدارى: كۈنىگە 1 ~ 2 قېتىم قۇلاققا تېمىتىلىدۇ.

3-رېتسېپ

تەركىبى: زەيتۇن يېغى بىر پىيالە، چۈمۈلە 100 تال.

تەييارلاش ئۇسۇلى: زەيتۇن يېغىغا چۈمۈلىنى سېلىپ، كۈن نۇرى كۈچلۈك چۈشىدىغان ئورۇندا 40 كۈن قويۇپ تەييارلىنىدۇ. 

ئىشلىتىش مىقدارى: كۈنىگە 1 ~ 2 قېتىم قۇلاققا تېمىتىلىدۇ.