ياڭاق كۆك پوستى

ياڭاق كۆك پوستىياڭاق كۆك پوستى بولسا  ياڭاق ئائىلىسىدىكى چوڭ دەرەخ ياڭاق مېۋىسىنىڭ سىرتىدىكى كۆك پوستى بولۇپ قەشرۇل جەۋزى، ياڭاق كۆك پوستى دېگەن ناملاردا دورىغا ئىشلىتىلىدۇ.8 -7 ئايلاردا خام ياڭاقنىڭ پوستىنى يىغىۋېلىندۇ. شىنجاڭ ئۇيغۇر ئاپتونوم رايونىنىڭ جەنۇبىي قىسمىدىن چىقىدۇ.

ياللۇغ قايتۇرۇش، ئىششىق ياندۇرۇش، چىشنى چىڭىتىش، بەدەننى قۇرۇتۇش، ئاغرىق پەسەيتىش، كۆزنى روشەنلەشتۈرۈش، ئاشقازاننى قۇۋۋەتلەش،ئىشتىھانى ئېچىش، تېرە ۋە چاچلارغا رەڭ بېرىش خۇسۇسىيەتكە .

خاس تەسىرى

ياللۇغ قايتۇرۇش، ئىششىق ياندۇرۇش.

ئەكىس تەسىرى 

باش ئاغرىقى پەيدا قىلىدۇ.

فارماكولوگىيلىك تەسىرى

ياڭاق كۆك پوستىياللۇغ قايتۇرىدۇ، مىكروب ئۆلتۈرىدۇ، ئاغرىق پەسەيتىش، قۇرت ئۆلتۈرۈش، تېرىگە رەڭ بېرىش تەسىرى بار.

 تەركىبىدە x-hydrojuglone – 4 B-glucoside  بار .

ياڭاق كۆك پوستى1. ياڭاق كۆپ پوستىدىن 10 گرام، موزا ، كاتە ھىندى، ئانار گۈلى قاتارلىقلاردىن 6 گرامدىن ئېلىپ، قائىدە بويىچە قاينىتىپ سۈيىدە غارغار قىلىپ بەرسە، بادامسىمان بەز ياللۇغى، چىش مىلىكى ئىششىقى، چىش بوشاپ كېتىش ۋە ئاغرىش قاتارلىقلارغا مەنپەئەت قىلىدۇ.

2. ياڭاق كۆك پوستى 10 گرام، سىيادان، ئادراسمان ئۇرۇقى، زەنجىۋىل قاتارلىقلاردىن 6 گرامدىن ئېلىپ قائىدە بويىچە سوقۇپ سۇپۇپ تەييارلاپ ئىچىپ بەرسە، ئاق داغ، بەرەس، تەمرەتكە، باش ئاغرىقى، پالەچ، لەقۋا قاتارلىقلارغا مەنپەئەت قىلىدۇ.

دورىلىق ئورنى 

ياڭاق مېۋىسىنىڭ سىرتىدىكى كۆك پوستى.

مىقدارى 

10 – 3 گرامغىچە ئىچىشكە بېرىلىدۇ. سىرتىدىن مۇۋاپىق مىقداردا ئىشلىتىلىدۇ.

ساقلاش 

قۇرۇتۇپ ساقلىنىدۇ.

تۈزەتكۈچىسى

گۈلبىنەپشە

ئورۇنباسارى 

 خېنىگۈل

غەرغەر سۈيى.

ھۆل سوغۇقتىن ياكى غەيرىي تەبىئىي بەلغەم خىلىتىدىن بولغان كېسەللىكلەر، ئاق داغ، بەرەس، بادامسىمان بەز ئىششىقى، چىش مىلىكىنىڭ ئىششىپ ئاغرىشى، چىش بوشاپ قېلىش، كالا تەمرەتكىسى، باش تەمرەتكىسى، كۆز بېسىمىنىڭ ئېشىپ كېتىشى، سوغۇقتىن بولغان باش ئاغرىقى ۋە باشنىڭ يېرىمى ئاغرىش، پالەچ، مۇپاسىل قاتارلىق كېسەللىكلەرگە ئىشلىتىلىدۇ.

كېلىش مەنبەسى (ئەسەر )

ئۇيغۇر تېبابىتى خام دورىلار ئىلمى ئىككىنچى توم(سىناق نۇسخا) شىنجاڭ تېببىي ئۇنىۋېرسىتېتى. ^[0]