قارا تاۋۇز

قارا تاۋۇزقارا تاۋۇز جەنۇبىي شىنجاڭ ، شەرقىي شىنجاڭ ۋە ئىلى رايۇنىدا ئۆستۈرۈلىدۇ .  پۈتكۈل ئۆسۈپ يېتىلىش ۋاقتى 90 -100 كۈن ، تاۋۇزنىڭ يەككە ئېغىرلىقى تەخمىنەن 4.8 كىلوگرام كېلىدۇ ، بۇ خىل تاۋۇز توشۇش ۋە ساقلاشقا چىداملىق ، ئىككىنچى يىلى 2 - ئايغىچە ساقلىغىلى بولىدۇ . ساقلىغانسېرى ئېتى يۇمشاپ كېتىدۇ .

تۈپى

قارا تاۋۇزتۈپىنىڭ ئۆسۈشى كۈچلۈك ، ئاساسىي پىلەك ئۇزۇنلۇقى 519.8 سانتىمېتىر ، توملۇقى 0.5 سانتىمېتىر ، بوغۇم ئۇزۇنلۇقى 8.2 سانتىمېتىر ، تۈپلىنىشى ئوتتۇراھال ، يۇپۇرمىقى 3 * 4.2 سانتىمېتىر ،  قېنىق يېشىل.

چېچىكى

بىرىنچى ئاتىلىق گۈل چېچىكى ئاساسىي پىلەكنىڭ بەشىنچى بوغۇمىدا ، ئانىلىق گۈل چېچىكى 11 - بوغۇمىدا ئۆسىدۇ . ئىككى جىنىسلىق. ئانىلىق گۈلى ئېچىلىپ 42 كۈن بولغاندا مېۋىسى پىشىدۇ.

مېۋىسى ۋە تەمى

مېۋىسى يۇمىلاق ياكى ئىللىپىس شەكىلدە ، دىئامېتىرى 21.4 * 19.9 سانتىمېتىر . مېۋە شاپاق ئۇزۇنلۇقى 4.5 سانتىمېتىر ، ئاسان ئاجرىمايدۇ . شاپىقى قېلىن ھەم قاتتىق ، مېۋە ئېتى قىزىل ، سەل چۈرۈك ، تالاسى ئوتتۇراھال ، شەربىتى كۆپ ،قەنت مىقدارى % 9.1 - 6.7 ، تەمى نورمال ، ئۇرۇقى ئېللىپىسسىمان . قارا رەڭدە ، ئۇزۇنلۇقى 1.4 سانتىمېتىر ، كەڭلىكى 0.8 سانتىمېتىر ، مىڭ تال ئۇرۇقىنىڭ ئېغىرلىقى 167 گرام ، بىر تاۋۇز ئىچىدە ئادەتتە 257 تال ئەتراپىدا ئۇرۇق بولىدۇ .^[0]