خولېرا

سەۋەبى: بۇ كېسەللىك، خولېرا باكتېرىيەسىنىڭ كۆپىيىشى سەۋەبىدىن كېلىپ چىقىدۇ.

ئالامىتى: شىددەتلىك گۈرۈچ سۈيىدەك قۇسۇش ۋە ئىچى سۈرۈش، ئېغىر دەرىجىدە سۇ يوقىتىش، سىپازمىلىنىش، شوك بولۇش قاتارلىق كېسەللىك ئالامەتلىرى بىلەن ئىپادىلىنىدۇ.

1-رېتسېپ

تەركىبى: قەلەمپۇر 30 گىرام، ئىپار ئۈچ گىرام، گۈلدارچىن ئالتە گىرام، راسەن 5. 4 گىرام، مەستىكى رۇمى، ئەپيۈن بەش گىرامدىن.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، بېھى شەربىتى بىلەن يۇغۇرۇپ گۈلىدەك چوڭلۇقتا كۇمىلاچ تەييارلىنىدۇ.

ئىشلىتىش مىقدارى: كۈنىگە بىر قېتىم، ھەر قېتىمدا مۇۋاپىق مىقداردا ئىستېمال قىلىنىدۇ.

2-رېتسېپ

تەركىبى: قىزىلگۈلدىن 20 گىرام، ئانار گۈلى، موزا، ئامۇت يوپۇرمىقى، سىماق، بەللۇت، گۈرۈچ كىراخمىلى 10 گىرامدىن.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، گۇلاب بىلەن يۇغۇرۇپ، تۈگمىدەك چوڭلۇقتا توقىچاق تەييارلىنىدۇ.

ئىشلىتىش مىقدارى: كۈنىگە بىر قېتىم، ھەر قېتىمدا سەككىز تالدىن بىر تال ئانار بىلەن ئارىلاشتۇرۇپ ئىستېمال قىلىنىدۇ.

3-رېتسېپ

تەركىبى: قۇرۇتۇلغان بۇغا مۈڭگۈزى، سېمىز ئوت غولى، قومۇش يىلتىزى تەڭ مىقداردا، ئاچچىق ئانار 500 گىرام.

تەييارلاش ئۇسۇلى: دورىلارنى كۆيدۈرۈپ، ئاچچىق ئانارنى سىقىپ سۈيىنى ئېلىپ تەييارلىنىدۇ.

ئىشلىتىش مىقدارى: كۈنىگە ئىككى قېتىم، ھەر قېتىمدا ئۈچ گىرامدىن دورىنى مۇۋاپىق مىقداردا ئانار سۈيى بىلەن ئارىلاشتۇرۇپ تەييارلىنىدۇ.