نىلۇپەر ئۇرۇقى

نىلۇپەر ئۇرۇقىنىلۇپەر ئۇرۇقى بولسا  نىلۇپەر ئائىلىسىدىكى سۇدا ئۆسىدىغان كۆپ يىللىق سامان غوللۇق ئۆسۈملۈكنىلۇپەرنىڭ ئۇرۇقى بولۇپ، بۇ ئۆسۈملۈكنىڭ ئۇرۇقى، (نىلۇپەر ئۇرۇقى) نامىدا دورىغا ئىشلىتىلىدۇ. ئۇرۇقى ئىللىپىس ياكى شار شەكىللىك، سىرتقى يۈزى قىزىلغا مايىل خورما رەڭ ياكى خورما رەڭدە، سىرتىدا ئۇزۇنىسىغا كەتكەن سىزىقچە ۋە رەتسىز قورۇقلار بار. ئۇرۇق پوستى نېپىز،تەمى تاتلىق، سەل قېرىق تەمى بار. 10-،11- ئايلاردا مېۋىسى پىشقاندىن كېيىن ئۇرۇقىنى ئايرىپ ئېلىپ يېغۋىلىنىدۇ،  ئېلىمىزنىڭ كۆپلىگەن يەرلىرىدىن، ياپونىيە ۋە ھىندىستان قاتارلىق ئەللەردىن چىقىدۇ.

ئۆت ۋە تالنى قۇۋۋەتلەش، قىزىتما قايتۇرۇش، ئۇسسۇزلۇقنى پەسەيتىش، ئىچى سۈرۈشنى توختىتىش، تۇتۇش، مەنىينى قويالتىش، ياللۇغ قايتۇرۇش.

خاس تەسىرى

ئۆتنى قۇۋۋەتلىگۈچى دورا

ئەكىس تەسىرى

سوغۇق مىزاج كىشىلەردە باش قېيىش پەيدا قىلىدۇ.

فارماكولوگىيلىك تەسىرى

قېرىشنى كېچىكتۈرۈش تەسىرى بار.

ئۇرۇق تەركىبىدە كۆپ مىقداردا كراخمال رافىنوز (Rafinose)، ئاقسىل، ماي، كاربون سۇ بىرىكمىلىرى، تۆمۈر (Fe)، فوسفور (P)، كالتسىي (Ca) قاتارلىقلار بار.

نىلۇپەر ئۇرۇقى1. نىلۇپەرنىڭ مېغىزىنى سۇدا ئېزىپ، سۈزۈپ ئىچكۈزسە، بالىلاردىكى ئىچى سۈرۈش ۋە ئۇسسۇزلۇقنى توختىتىدۇ.

2. نىلۇپەر ئۇرۇقى مېغىزىدىن 6 گرام يەپ بەرسە، بالدۇر مەنىي يۈرۈپ كېتىش، مەنىي سۈيۈلۈپ كېتىشكە پايدا قىلىدۇ.

3. پوستىدىن ئاجرىتىلغان نىلۇپەر ئۇرۇقىدن 30 گرام، ھۆل چۈچۈكبۇيىدىن 20 گرام ئېلىپ 500 مىللىلىتىر سۇدا 200 مىللىلىتىر قالغۇچە قاينىتىپ، سۈزۈپ، سۈيىنى كۈندە ئۈچ قېتىم ئىچىپ بەرسە، سوزۇلما خااكتېرلىك ئۈچەي ياللۇغى ۋە ئۈچەي تۇبېركۇليوزىدىكى ئىچى سۈرۈشكە مەنپەئەت قىلىدۇ.

دورىلىق ئورنى

ئۆسۈملۈكنىڭ ئۇرۇقى

مىقدارى

5 ~ 3 گرام

ساقلاش

قۇرۇتۇپ ساقلىنىدۇ.

تۈزەتكۈچىسى

 ھەسەل، تۇخۇم

ئورۇنباسارى

سېرىق ئوت ئۇرۇقى

نىلۇپەر ئۇرۇقى قاينىتىلمىسى.

كېلىش مەنبەسى (ئەسەر)

ئۇيغۇر تېباىتى خام دورىلار ئىلمى1 (شىنجاڭ تېببي ئۇنۋېرسېتىتى تولۇق كۇرۇس نۇسخسى).^[0]