تۇربۇت

تۇربۇت  بولسا ئۆسۈملۈك يىلتىزى ۋە تېنىنىـڭ ياغاچـلىـرى، شەكلى سىلىندىرسىمان شەكلىدە، سارغۇچ ئاق ياكى قارىغا مايىل، ئىچى كاۋاك،تېنى قاتتىق،  پۇرىقى سۇس ،تەمى ئاچچىق. يۆگەيلەر ئائىلىسىدىكى پېلەك غوللۇق ئۆسۈملۈك بۇلۇپ، كۈز پەسلىدە يېغۋىلىنىدۇ.

ئېلىمىزنىڭ ئىسسىق بەلۋاغ رايونلىرىدىن ھەم  ھىندىستان، پاكىستان، ياۋروپا قاتارلىق جايلاردىن چىقىدۇ.

خۇسۇسيىتى

غەيرىي تەبىئىي بەلغەم، سەۋدا خىلىتلىرىنى سۈرۈش، تەرەتنى راۋانلاشتۇرۇش، ئارتۇق ھۆللۈكنى قۇرۇتۇش، توسالغۇلارنى ئېچىش، ئاغرىق پەسەيتىش.

خاس تەسىرى

غەيرى تەبىئى بەلغەم  خىلىتىنى سۈرگۈچى  دورا.

ئەكىس تەسىرى

ئۈچەيگە زىيان قىلىدۇ. كۆڭۈلنى ئېلىشتۈرىدۇ، ئىسسىق مىجەز كىشىلەر ئۈچۈن زىيان قىلىدۇ.

1. تۇربۇت ئۈستقۇددۇس 30 گرام، ئەفتىمۇن، بىستىپايەنج، قاتارلىقلاردىن 15 گرامدىن ئېلىپ، سوقۇپ ئىچىپ بەرسە، مېڭىنى تازىلايدۇ.

2. تۇربۇت ھەللە كابىلى، سانائى مەككى، سۆرۈنجان مىسرى، قاتارلىقلارنى ئۆلچەم بويىچە ئېلىپ سوقۇپ تالقانلاپ ئىچىپ بەرسە، چوڭ كىچىك بوغۇم ئاغرىقىغا مەنپەئەت قىلىدۇ.

3. تۇربۇت ئۈستقۇددۇس ، بىستىپايەچ، ئەفتىمۇن، ئامىلە، قاتارلىقلاردىن مۇۋاپىق مىقداردا ئېلىپ، تالقانلاپ ئىچىپ بەرسە، مېڭە، ئاشقازاندىكى ھۆللۈكنى يوقىتىدۇ.

دورىلىق ئورنى

ئۆسۈملۈك تۇربۇتنىڭ يىلتىزى ۋە تېنىنىـڭ ياغاچـلىـرى

مىقدارى

5~3 گرام

ساقلاش

پوستى ئاجرىتىۋېلىپ شامالدا قۇرۇتۇلۇپ ساقلىنىدۇ.

ئورۇنباسارى

غارىقۇن، جاۋاشىر

تۈزەتكۈچىسى

بادام، پىستە مېغىزى ۋە يېغى، كەتىرا

سىپوپى تۇربوت، ھەببى توربوت ، ھەببى ئايارەچ، سۆرۈنجان كاپسۇلى

سۇلۇق ئىششىق، بوۋاسىر، چوڭ بوغۇم ئاغرىقى، ئۇششاق بوغۇملار ئاغرىقى، ئولتۇرغۇچ نېرۋا ئاغرىقى، يۆتەل، زىققە، مالىخولىيا، پالەچ، لەقۋا، رەئىشە، بەرەس، بەھەق قاتارلىقلارغا ئىشلىتىلىدۇ.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى. ^[0]