پاقا يوپۇرمىقى ئۇرۇقى

پاقا يوپۇرمىقى ئۇرۇقى  بولسا پاقا يوپۇرمىقى ئائىلىسىدىكى ئۆسۈملۈك پاقا يوپۇرمىقى ياكى تۈز يىلتىزلىق پاقا يوپۇرمىقىنىڭ پىشقان ئۇرۇقى بولۇپ، شەكلى ئېللىپسسىمان، توق بېغىررەڭدە، تەمسىز، پۇراقسىز كېلىدۇ.شىنجاڭ ئۇيغۇر ئاپتونوم رايونىنىڭ كۆپ قىسىم جايلىرىدىن، ئىچكى ئۆلكىلەردىن چىقىدۇ.ئېرىق بويلىرىدائۆسۈپ قالىدۇ،تېرىپمۇ ئۆستۈرىلىدۇ.

ياللۇغ قايتۇرۇش، قىزىتما قايتۇرۇش، سەپرا ۋە قان خىلىتىنىڭ ئۆتكۈرلىكىنى پەسەيتىش، قورۇش، تۇتۇش، قان توختىتىش، ئاغرىق پەسەيتىش خۇسۇسىيىتى بار.

خىمىيىلىك تەركىبى

ئۇرۇقىنىڭ تەركىبىدە كۆپ مىقداردا شىلىمشىق ماددىلار، ئەرەب شېكـىرى (Arabinasa)، كـەھـرىـۋا كـىسـلاتـاسى (Svccinic acid)، ئادىنىن (adenine)، ئۆت ئىشقارى قاتارلىقلار بار.

ئەكىس تەسىرى

ئۆپكە ۋە تالغا زىيان قىلىدۇ.

فارماكولوگىيىلىك تەسىرى

1. سۈيدۈك ھەيدەش رولىغا ئىگە. كىشىلەر ئادەتتە پاقىيوپۇرمىقى ئۇرۇقىنىڭ قاينىتىلمىسىدىن 10 گرام ئىچىپ بەرسە، سۈيدۈك ھەيدەيدۇ، ناترىي خلورىد ۋە سۈيدۈك كىسلاتاسىنى سىرتقا چىقىرىدۇ. 2. بوغۇم خالتىسىغا بولغان تەسىرى: پاقىيوپۇرمىقى ئۇرۇقى قاينىتىلمىسىدىن ئاز مىقداردا توشقاننىڭ بوغۇم بوشلۇقىغا ئوكۇل قىلىنسا، ئاۋۋال شىللىق پەردە ياللۇغىنى پەيدا قىلىپ، كېيىن قوشقۇچى توقۇلمىلارنى ئۆستۈرىدۇ ھەم بوشىشىپ كەتكەن بوغۇم خالتىسىنى ئەسلىدىكى ھالەتكە كەلتۈرىدۇ.

1. 6 گرام پاقىيوپۇرمىقى ئۇرۇقىنى سۇغا چىلاپ، سۈيىنى ئىچىپ بەرسە، ئىچى سۈرۈش ۋە تولغاققا مەنپەئەت قىلىدۇ. 2. پاقىيوپۇرمىقى ئۇرۇقىدىن ئەرەق تارتىپ ئىستېمال قىلسا، يۇقۇملىنىشقا قارشى تۇرىدۇ.

ئىشلىتىلىشى

ئىچى سۈرۈش، تولغاق، ھەيز كۆپ كېلىش، جۈدەتكۈچى قىزىتما، سىل قاتارلىقلارغا ئىشلىتىلىدۇ.

مىقدارى

5~7 گرامغىچە

ساقلاش

6- 10 ئاي ئارلىقىدا پىشقان مېۋىسىنى يىغىۋېلىپ ئۇرۇقىنى چىقىرىپ يىغىپ ساقلايدۇ.

تۈزەتكۈچىسى

ھەسەل.

ئورۇنباسارى

پاقا يوپۇرمىقى

ئەرىقى بارىتەڭ، شەربىتى بۇزۇرى.

^[0]