ئات گۆشى

بۇ ھايۋانات ھەممىگە تونۇش بولغان ئات ئائىلىسىدىكى مەشھۇر ھايۋان بولۇپ، بۇ ھايۋاناتنىڭ گۆشى «ئات گۆشى» نامىدا دورىغا ئىشلىتىلىدۇ.

ئات گۆشى تەركىبىدە ھەر خىل ۋىتامىنلار بار.

ئىككىنچى دەرىجىدە قۇرۇق ئىسسىق.

«تەبىئەت» نى قۇۋۋەتلەش، قان كۆپەيتىش، روھنى كۈچلەندۈرۈش، ئىچى سۈرۈشنى توختىتىش، ھۆل سوغۇق كەيپىياتنى تەڭشەش، تېرىگە رەڭ پەيدا قىلىش، بەدەن ھارارىتىنى يۇقىرى كۆتۈرۈش، ئومۇمىي بەدەننى قۇۋۋەتلەش، باھنى قۇۋۋەتلەش.

ئىچى سۈرۈش، مۇپاسىل، لەقۋا، ئۈچەي يىرىڭلىق جاراھىتى، بوۋاسىر، باھ ئاجىزلىق، بەدەن ئاجىزلىق قاتارلىق كېسەللىكلەرگە ئىشلىتىلىدۇ.

1. ئاتنىڭ تۈكى بىلەن گۆشىنى كۆيدۈرۈپ تالقان قىلىپ، ئۇنى مۇناسىپ دورىلار بىلەن قوشۇپ سىرتتىن سەپسە، تېرىدىكى ھەر خىل داغلارنى يوقىتىدۇ.

2. ئاتنىڭ قېنىنى يەرلىك ئورۇنغا چاپسا، تېرىگە رەڭ پەيدا قىلىدۇ ۋە چىرايلىق قىلىدۇ.

3. ئاتنىڭ تېرىسىنى كۆيدۈرۈپ تالقان قىلىپ، مۇۋاپىق مىقداردىكى ئۆلتۈرۈلگەن ھاك بىلەن بىرگە سېرىق ماي قوشۇپ مەلھەم قىلىپ يەرلىك ئورۇنغا چاپسا، كىچىك بالىلارغا ساقال بۇرۇت چىقمايدۇ.

4. ئاتنىڭ كۆيدۈرۈلگەن گۆشىنى گۈڭگۈرت كۈشتىسى بىلەن قوشۇپ خېمىر قىلىپ چاپسا، تەمرەتكىلەرگە مەنپەئەت قىلىدۇ.

5. كۆيدۈرۈلگەن ئات گۆشىنى مىس كۈشتىسى ۋە ئاقىرقەرھا بىلەن قوشۇپ مەلھەم قىلىپ چاپسا، بوۋاسىر دانچىلىرىنى يوقىتىدۇ.

6. كونا ياكى يېڭى ئىچى سۈرۈشلەرگە ۋە ئۈچەي جاراھەتلىرىگە كۆيدۈرۈلگەن ئات گۆشىنى ئانار ئۇرۇقىنىڭ تالقىنى بىلەن قوشۇپ ئىچىپ بەرسە مەنپەئەت قىلىدۇ.

7. ئات گۆشىنىڭ سۈيى (زەردابى) بىلەن باشنى يۇيسا، تاز يارىسىدىكى چاچنىڭ ئاق چىقىشقا مەنپەئەت قىلىدۇ.

ئەھۋالغا قاراپ ئىشلىتىلىدۇ.

ئىسسىق مىزاج كىشىلەرگە زىيان قىلىدۇ.

ئوبدان پىشۇرۇپ يەپ، ئۈستىدىن ئانار سۈيى ياكى دوغ ئىچىش.

شىنجاڭنىڭ ھەممە يەرلىرىدە بېقىلىدۇ ھە ياۋا ھالدىمۇ ياشايدۇ.

مەلھىمى جەرەب.^[0]