غاپەس

غاپەسغاپەس بولسا ئازغان ئائىلىسىدىـكـى ئىگـىـزلىـكـى50 ~ 120ســانـتـىـمـېـتـىـر ئەتراپىدا ئۆسـىـدىـغـان كـۆپ يىـلـلـىـق سامـان غولـلۇق ئۆسۈملۈكنىڭ قۇرۇتۇلغان پۈتۈن چۆپى.غول تۈۋى سىلىق، تۈكى يوق، غول يوپۇرماقلىرى ئېنىق كۆرۈنۈپ تۇرىدۇ، ئۈستى شالاڭ، ئاستى قويۇق، بەزىلىرى ھەمرا يوپۇرمىقى قالغان، يۇقىرى تەرىپىدىكى غول يېشىلغا مايىل قوڭۇررەڭ ياكى سۇس سارغۇچ بېغىررەڭ بولۇپ، ئاق رەڭلىك يۇمشاق تۈكچىلەر بىلەن قاپلانغان، يوپۇرمىقى كۈل رەڭگە مايىل يېشىل رەڭلىك پۈرۈلگەن، گۈلى ئۇزۇن، تار، ئىنچىكە، رەڭگى نىل رەڭلىك بولىدۇ،  پۈتۈن چۆپىنىڭ ئازراق پۇرىقى بار، رەڭگى نىل كۆك ئاچچىق ئۇرۇق بىلەن كۆپىيىدۇ، مۆتىدىل كىلىماتتا ئۆسۈشكە ماسلاشقان، غۇلجا قاتارلىق ئورۇنلاردا تېرىپ ئۆستۈرۈلىدۇ،

غەيرىي تەبىئىي بەلغەم، سەۋدا خىلىتىنى تازىلاش، توسالغۇلارنى ئېچىش، تەرلىتىش، سۈيدۈك ھەيدەش، ئىششىق ياندۇرۇش، قان تازىلاش، تېرىگە جۇلا بېرىش، جىگەر ۋە تالنىڭ توسالغۇلىرىنى ئېچىش، سۈيدۈك ۋە ھېيىزنى راۋانلاشتۇرۇش، چاچ چىقىرىش، قان توختىتىش.

خاس تەسىرى

 غەيرىي تەبىئىي بەلغەم خىلىتىنى سۈرگۈچى دورا

ئەكىس تەسىرى

تال ۋە ئۇرۇقدانغا زىيانلىق،

فارماكولوگىيىلىك تەسىرى

غاپەس1. غاپەس ئۇسارىسى قان سۇيۇقلۇقىنىڭ ئۇيۇشىنى ئىلگىرى سۈرىدۇ.

2. بۇنىڭ ئىسپىرتلىق چىلانمىسى ھايۋاناتلارنىڭ قان بېسىمىنى يۇقىرى كۆتۈرىدۇ ھەم يۈرەكنى كۈچەيتىدۇ، سۇغا چىلاپ ئىسپىرت بىلەن ئېلىنغان ماددىسى قان بېسىمىنى چۈشىرىدۇ.

3. ياللۇغلىنىشقا قارشى تۇرۇش تەسىرىگە ئىگە.

4. باكتېرىيىگە قارشى تۇرۇش، پارازىت قۇرۇتىنى چۈشۈرۈش رولىغا ئىگە.

پۈتۈن چۆپىدە ئاگرىمونىن (Agrimonine)، ئاگرىمونولىد (Agrimonolide)،تانىن، ئورگانىك كىسلاتا،فىنوللۇق تەركىبلەر، گلۇكوزىد قاتارلىقلار بار.

غاپەس1. ئەرقى كاسنە، ئەرقى شوخلا، غاپەسنى بىرلىكتە ئىستېمال قىلسا، جىگەر توسۇلۇش، جىگەر ئىششىقى، جىگەر ياللۇغىغا شىپا بولىدۇ.

2. بىخ بەدىيان ، غاپەس، تەرخەمەك ئۇرۇقى، شوخلا، كاسىنەئۇرقى قاتارلىقلارنى 10 گرامدىن ئېلىپ قاينىتىپ ئىچىپ بەرسە، قورساق سۈيىنى تارقىتىدۇ.

ئىشلىتىلىشى

ئوسارىسى قەدىمكى نۇسخىلاردا ئىشلىتىلگەن بولسىمۇ، ئەمما ئۇنىڭ ئۇسارىسىنى تەييارلاش ناھايىتى قىيىن بولغاچقا يېقىندىن بېرى گۈلى ئىشلىتىلىۋاتىدۇ.

دورىلىق ئورنى

ئۆسۈملۈكنىڭ قۇرۇتۇلغان پۈتۈن چۆپى

مىقدارى

6-7 گرام

تۈزەتكۈچىسى

رۇم بەدىيان

ئورۇنباسارى

 ئاسارون، يېرىم مىقداردا ئەمەن

مەجۇنى دەبىدۇلۋەرد. ھەبىبە غاپەس. شەربىتى دىنار

ھەر خىل كونا ۋە مۇرەككەپ قىزىتما ، ئپمۇمىي بەدەن سۇلۇق ئىششىقى، قىگەر ۋە ئاشقازان ياللۇغى ، قىچىشقا، تەڭگىسىمان چاچ چۈشۈش، تەمرەتكە، سۈيدۈك، ھەيز راۋان بولماسلىق ، قان تۈكۈرۈش قاتارلىقلارغا ئىشلىتىلىدۇ.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم (سىناق نۇسخا) شىنجاڭ تېببىي ئۇنىۋېرسىتېتى.^[0]