جاۋارىش كۈندۈر

جاۋارىش كۈندۈر قىزغۇچ قوڭۇررەڭلىك مەجۇن بولۇپ، تەمى تاتلىق، ئازراق ئاچچىق بۇلۇپ بەدەندىكى ھۆللۈكنى قۇرۇتۇش، مەنىي تۇتۇش، پەتەق بوشلۇقلىرىنى قورۇش تەسىرىگە ئىگە. ئاق خۇن كۆپ كېلىش، مەنىي ۋە سۈيدۈك ئىختىيارسىز كېتىشكە، پەتەق كېسەللىرىگە ئىشلىتىلىدۇ.

تەركىبى

كۈندۈر                 120g           قارىمۇچ              20g

زەنجىۋىل                24g            قەلەمپۇر              11g 

خۇلىنجان                24g            لاچىندانە             11g 

پىلپىل                   20g            ئىپار                  1g 

 ئاساسلىق دورىسى

كۈندۈر 

ياسىلىشى

يۇقۇرىدىكى 8 خىل دورىدىن،ئىپاردىن باشقا دورىلارنى سوقۇپ يۇمشاق تالقانلاپ، ئەلگەكتىن ئۆتكۈزۈپ، تەكشى ئارىلاشتۇرۇپ، ئىپارنى سالايە قىلىپ يۇقۇرىدىكى تالقانغا ئارىلاشتۇرۇپ،چەككىلەنگەن ھەسەل قوشۇپ يۇغۇرۇپ، 1000g  مەجۇن تەييارلىنىدۇ.

 مىقدارى

 كۈنىگە 2 قېتىم،ھەر قېتىمدا 10g  دىن ئىستىمال قىلىنىدۇ.

ساقلاش

ئېغىزى ھىم ئېتىلىپ، سالقىن سايە ئورۇندا ساقلىنىدۇ.

دورىدىن 20g  ئېلىپ،مۇۋاپىق مىقداردىكى دىئاتومىد بىلەن تەكشى ئارىلاشتۇرۇپ، (℃30～60  )نېفىت ئېتىرىدىن 50ml  قوشۇپ،15 مىنۇت ئۇلتىرا ئاۋاز دولقۇنىدا تۇرغۇزۇپ،سۈزۈپ، سۈزۈلگەن سۇيۇقلۇقنى پارلاندۇرۇپ قۇرۇتۇپ، دورا قالدۇقىغا 2ml مېنتانول قوشۇپ ئېرىتىپ،سىناق ئېرىتمىسى تەييارلايمىز. كۈندۈر سېلىشتۇرما دورىسىدىن 1g ئېلىپ،يۇقۇرىقىغا ئوخشاش ئۇسۇلدا سېلىشتۇرما ئېرىتمىسى تەييارلىنىدۇ. نېپىز قەۋەتلىك رەڭ سىپېكتىر ئۇسۇلى (قوشۇمچە Ⅵ B) سىنىقى تەجرىبىسىگە ئاساسەن،سىناق دورا ئېرىتمىسىدىن 5µl،سېلىشتۇرۇلىدىغان دورا ئېرىتمىسىدىن 5µl شۈمۈرۈپ ئېلىپ، نېپىز قەۋەتلىك سىلىكاگىل G لىق تاختا ئۈستىدىكى ئايرىم-ئايرىم نوقتىغا تېمىتىپ،（17∶3）نېفىت ئېتىرى-ئېتىل ئاتسىتاتنى يېيىلدۇرغۇچى قىلىپ يېيىلدۇرۇپ، شامالدىتىپ قۇرۇتۇپ، تاختا ئۈستىگە %5 لىك ۋانىللىن سۇلفات كىسلاتا ئېرىتمىسىنى پۈركۈيمىز.℃105 لۇق ھارارەتتە داغ توچكىلىرى ئېنىق كۆرۈنگىچە قىرىتىمىز. سىناق ئېرىتمىنىڭ رەڭ سىپىكتىرىدا، سېلىشتۇرۇلىدىغان دورىنىڭ رەڭ سىپىكتىرىدىكى مۇناسىپ ئورۇندا ئوخشاش رەڭلىك داغ توچكىلىرى كۆرۈنىدۇ.

بۇ دورا مەجۇن ياسالمىسىغا ئالاقىدار ھەر خىل بەلگىلىمىلەر (سەھىيە مىنىستىرلىقىنىڭ دورا ئۆلچىمى ئۇيغۇر تىبابەت دورا قىسمى، قوشۇمچە I) گە ئۇيغۇن بولۇشى لازىم.^[0]