خېنە گۈلى ئۇرۇقى

ئۆسۈملۈك خېنە گۈلى(Impatiens balsamina L.)نىڭ ئۇرۇقىدىن ئىبارەت بولۇپ، خېنە گۈلى ئۇرۇقى نامىدا دورىغا ئىشلىتىلىدۇ.

ئائىلىسى

خېنە ئائىلىسىدىكى بىر يىللىق تىك ئۆسۈدىغان،سامان غوللۇق ئۆسۈملۈك.

ئۇرۇقى

ئۈنۈملۈك تەركىبى

 بۇنـىڭ تـەركىـۋىـدە بالـزامـىناسـتېـرول (Balsaminastreol)، ئاتـسىـدوم، پارىنـارىـكـوم كىسلاتاسى(ParinaricAcid)، ساپونـىن، مـاي، قەنـت، ئاقسىـل، ئامىنو كىسلاتاسى، ئۇچۇچان ماي قاتارلىقلارنى تۇتىدۇ.

 قۇرۇتۇلغان ئۇرۇقى ياپىلاق شەكىللىك ياكى ياپىلاق تېمىنە شەكىللىك بولىدۇ. ئورۇق، پوستى قوڭۇرياكى خومىرەڭلىك.

بەرەس، بەھەق، زەخىمە بوغۇم ئاغرىقلىرى، بەل-پۇت ئاغرىقى،ھەيز تۇتۇلۇش،قىيىن تۇغۇت، لىمفا سىل كېسەللىكى، بالىلار پارالىچى، قىزىلئۆڭگەچ ۋە سۈت بېزى راكىنىڭ دەسلەپكى مەزگىللىرىدە ئىشلىتىلىدۇ. 

1.بالىياتقۇ بوينىنى قوزغىتىدۇ. 2.ھامىلدار بولۇشنىڭ ئالدىنى ئالىدۇ. 3.باكتېرىيىگە قارشى تۇرۇش رولى بار.

خاس تەسىرى

تېرىنى ئوزۇقلاندۇرۇش، قىزارتىش، تېرە رەڭ ماددىسىنى ئەسلىگە كەلتۈرۈش.

ئورۇنباسارى

چاققاق ئوت ئۇرۇقى

ئەكىس تەسىرى

ئۆپكىگە زىيان قىلىدۇ

تۈزەتكۈچىسى

كەتىرا، ئىسپىغۇل

1. خېنە گۈلى ئۇرقىدىن 3 گرام، قىچا 10 گرام، سامساقتىن 7 گرام، سىياداندىن 10 گرام، زەيتۇن يېغىدىن 15 گرام ئېلىپ، قائىدە بويىچە سوقۇپ مەلھەم تەييارلاپ يەرلىك ئورۇنغا تاڭسا بەرەس، بەھەق كىسەللىرىگە مەنپەت قىلىدۇ.

2. خېنە گۈل ئۇرقىدىن 3 گرام، زىرە، يالپۇز، سوزاپ ئۇرۇقىدىن 10 گرامدىن، قەردىمانەدىن 5 گرام ئېلىپ  تالقان قىلىپ يېسە ئاشقازان، ئۈچەي كىسەللىكلىرىگە مەنپەت قىلىدۇ.

يىغىش 

كۈزدە مېۋىسى پىشقاندا ئارىلاشمىلىرىنى ئېلىۋىتىپ  يىغۋىلىنىدۇ.

ساقلاش 

قۇرۇتۇپ ساقلىنىدۇ.^[0]