قىچىشقاق

قىچىشقاقسەۋەبى: بۇ كېسەللىك، قىچىشقاق سالجىسى بىلەن يۇقۇملىنىش ۋە بەدەندىكى غەيرىي تەبىئىي سەۋدا سەۋەبىدىن كېلىپ چىقىدۇ.

ئالامىتى: بارماق ئارىلىقى، يوتا، قورساق قاتارلىق ئورۇنلاردا ئۇششاق مۇدۇرلار پەيدا بولۇپ، قاتتىق قىچىشىش، قىچىشىش كېچىسى بەكرەك كۈچىيىپ كېتىش، قاشلاش نەتىجىسىدە تېرە شەلۋەرەپ، سۇلۇق قاپارتقۇ ۋە تېرە زەخىملىرى پەيدا بولۇش قاتارلىق ئالامەتلەر بىلەن ئىپادىلىنىدۇ.

• تېرە نېپىز ۋە يۇمران، قول بارماقلىرى، بېغىش، بوغۇملارنىڭ ئېگىلىش قىسمى، جەينەك ئويمىنى، قولتۇق، ئەمچەك ئاستى، كىندىك ئەتراپى، بەل، تۆۋەنكى قورساق قىسىملىرى، يوتا ئىچكى تەرىپى، سىرتقى جىنسىي ئەزا قاتارلىق ئورۇنلاردا كۆپرەك كۆرۈلىدۇ. قۇرۇق قىچىشقاقتا كېسەللىك پەيدا بولىدىغان ئورۇندىكى تېرىدە ئاۋۋال قىچىشىدىغان قىزىل مۇدۇرلار پەيدا بولۇپ قىچىشىدۇ. ئۆز-ئارا سىزىقسىمان تۇتۇشىدۇ. قاشلىغاندا سېرىق سۇ ياكى قان چىقىدۇ. قىچىشقاق قول بارماقلىرى ئارىلىقلىرىدا كۆپ كۆرۈلىدىغان بولۇپ، بۇنىڭدىمۇ سىزىقسىمان تېرىق چوڭلۇقىدا رەڭگى قىزىل مۇدۇرلار چىقىپ، تاتلىغاندا زەرداب سۇ ياكى قارامتۇل قان چىقىدۇ. بەزىدە سۇلۇق قاپارتما پەيدا بولىدۇ. كېسەللىك ئورنىدىن چىققان سۇ ياغلىشاڭغۇ بولىدۇ. ھۆل قىچىشقاق قۇرۇق قىچىشقاقنىڭ تەرەققىي قىلىشىدىن كېلىپ چىقىدۇ. مەزكۇر كېسەللىكتە قىچىشقاق كېسىلى بىلەن ئاغرىغان ئادەملەر ئەڭ ئاساسلىق يۇقۇش مەنبەسى بولۇپ ھېسابلىنىدۇ.         
  
• دىياگنوز ئاساسى
  
• 1. كېسەللىك تارىخىغا ئاساسەن دىياگنوز قويۇلىدۇ.                                      
  
• 2. تىپىك بولغان كېسەللىك ئالامىتىگە ئاساسەن دىياگنوز قويۇلىدۇ.               
  
• 3. قوشۇمچە تەكشۈرۈش نەتىجىلىرىگە ئاساسەن دىياگنوز قويۇلىدۇ. ^[0]
  

1-رېتسېپ

تەركىبى: شاھتەررە 105 گىرام، سېرىق ھېلىلە پوستى 90 گىرام، كابۇل ھېلىلىسى پوستى 60 گىرام، بەلىلە پوستى، ئامىلە 45 گىرامدىن، سانا 22 گىرام، قىزىلگۈل 15 گىرام، ۋاسالغۇ 75 گىرام، ھەسەل 1371 گىرام.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، ئېرىتىلگەن ھەسەلگە ئارىلاشتۇرۇپ مەجۈن تەييارلىنىدۇ.

ئىشلىتىش مىقدارى: كۈنىگە بىر قېتىم، ھەر قېتىمدا تۆت گىرامدىن ناشتىدا ئىستېمال قىلىنىدۇ.

2-رېتسېپ

قىچىشقاقتەركىبى: كەرەپشە ئۇرۇقى 10 گىرام، تاۋۇز ئۇرۇقى 10 گىرام، سېرىقماي 10 گىرام.

تەييارلاش ئۇسۇلى: ئۇرۇقلارنى يۇمشاق سوقۇپ، ئەلگەكتىن ئۆتكۈزۈپ، سېرىقماي بىلەن ئارىلاشتۇرۇپ مەلھەم تەييارلىنىدۇ.

ئىشلىتىش مىقدارى: كۈنىگە بىر بىر قېتىم ياتار ۋاقىتتا يەرلىك ئورۇنغا چېپىلىدۇ.

3-رېتسېپ

تەركىبى: كىبرىت 20 گىرام، قوي يېغى 60 گىرام، قىچا يېغى 20 گىرام.

تەييارلاش ئۇسۇلى: قىچا بىلەن كىبرىتنى يۇمشاق سوقۇپ، ئەلگەكتىن ئۆتكۈزۈپ، ئېرىتىلگەن قوي يېغى بىلەن ئارىلاشتۇرۇپ مەلھەم تەييارلىنىدۇ.

ئىشلىتىش مىقدارى: كۈنىگە تۆت قېتىم سىرتىدىن ياغلىنىدۇ.