مۇز قاتقان خىيال<شىېئىر>

مۇز قاتقان خىيال

(پەرھات ئابدۇۋەلى)

مۇز
ياق.........
قولۇم قالمىسۇن بوشلۇقتا لەيلەپ ،

سۆيۈلگەنسەن ،سۆيگىن ھەم ئەبەد .

مەيلى ئايلانسۇن يۈرىكىڭ تاشقا ،

كىرەك ماڭا ۋۇجۇدۇڭ پەقەت .

راسىت.........

يۈرىكىڭگە ، مەن قاتتۇردۇم مۇز.

تاشلاندۇق بولۇپ يۈرگۈم يوق ئەمدى ،

ساقلىمايمەن ياز پەسلىنى ھەم .

مەيلى كەتسۇن يىراق -يىراققا ،

ئىزسىز قالغان شۇ تۇنجى قەدەم .

تام ...........

مۇسىبەتنى ئەسلەتتى بىردىن .

سوغۇققىنە قاراپ تۇرىدۇ ،

خۇددى مۇز قاتقان يۈرەكتەك .

سىنىڭ قەلبىڭ گويا بىر تامدەك .

ئۆلۈم..........

ساقلاپ تۇرار مەڭگۈ زىرىكمەي .

ئەجەپ ئامراق ئەزرائىل ماڭا ،

خۇددى ئۇ مېنىڭ خوشنامدەك .

يار........

كۆزلىرىڭدىن چەكسىز نۇر ياغار .

جىمجىت مۇزغا ئايلانغان قەلبىڭ .

ئويلىغانچە تېپچەكلەر يۈرەك ،

ۋادارىخا ، يار سېنىڭ دەردىڭ .

تارىخ........

سۆيۈملۈكتۇر شۇنچە مۇقەددەس ،

ئۆتمۈشۈمنى سېغىندىم ئەجەپ .

بولدى بەس!.....

مەنمۇ ، سەنمۇ بەرىبىر تارىخ .

مەيلى سەن مۇز ،مەيلى مەن باھار.

2007-يىلى 11-ئاينىڭ 8-كۈنى