قانداق ئاياللار چاچ بويىسا بولمايدۇ ؟
يېقىنقى بىر قانچە يىلدىن بۇيان ، چاچ بوياقلىرىنىڭ سۈپىتى بارغانسىرى يۇقىرى كۆتۈرۇلدى . ئۇنداقتا قانداق قانداق ئاياللار چاچ بويىسا بولمايدۇ ؟
رېئاكسىيە قىلىدىغان ئاياللار : چاچ بوياش مەھسۇلاتلىرى كۆپ خىل بىرىكمە ماددىلاردىن ياسالغان بولۇپ ، تېرىسىنىڭ سەزگۇرلىكى يۇقۇرى ئاياللار ھەرقانداق چاچ بوياقلىرىنى ئىشلەتسە قىلىدۇ . يەنى ئىككى كۈندىن تۆت كۈنگىچە بولغان ئارىلىقتا رېئاكسىيە قىلغانلىقى كۆرۈنەرلىك بىلىنىشكە بوشلايدۇ . شۇڭا ئىشلىتىشتىن ئاۋۋال سىناق قىلىپ ئىككى-ئۈچ كۈندىن كېيىن باشقىچە ئەھۋال بولمىسا ئاندىن ئىشلىتىشى كېرەك .
تېرە ياللۇغى بار ئاياللار : تېرە ياللۇغى بار ھەمدە تېرىسى زەخمىلەنگەن ئاياللار چېچىنى بويىسا چاچ بوياق تەركىبىدىكى خىمىيىلىك ماددىلار تېرىنىڭ زەخمىلىنىشى ۋە زىيانلىق ماددىلارنىڭ توپلىنىشىنى كەلتۇرۇپ چىقىرىدۇ .
بۆرەك ئىقتىدارى ئاجىز ياشانغان ئاياللار : چاچ بوياقلىرىنىڭ ئۈنۈملۈك تەركىبلىرى دۆلەت بەلگىلەپ ئۆلچەم ئىچىدە بولسا ،ئادەمنىڭ سالامەتلىكىگە چوڭ تەسىر كۆرسەتمەيدۇ . شۇڭا ياشانغان ئاياللار سۈپەتلىك چاچ بوياقلىرىنى تاللاپ ئىشلىتىشى ، ئامال بار چاچ بويىماسلىقى كېرەك .
بالا ئېمىتىۋاتقان ئاياللار : ئاياللار بالا ئېمىتىۋاتقان مەزگىلىدە ، سەزگۇرلىكى ئېشىپ كېتىدۇ . ئەگەر بۇ مەزگىلدە چاچ بويىسا ، سەزگۇرلىكىنى نەچچە ھەسسە يۇقىرىلىتىۋېتىدۇ . ئۇنىڭدىن باشقا ، بالىسىنىڭ سالامەتلىكى ۋە بىخەتەرلىكى ئۈچۈن ، چاچ بويقىغا ئوخشاش خىمىيىلىك ماددىلار بىلەن ئامال بار ئۇچراشماسلىقى كېرەك .
جەمەتى ئىچىدە راك كېسەللىكى بار ئاياللار : ئائىلىسىدە يامان خارەكتىرلىك ئۆسمە راكىغا گىرىپتار بولغان ئاياللار ئامال بار چاچ بويىقى بىلەن ئۇچراشماسلىقى كېرەك .
"شىنجاڭ رادىئو-تېلىۋىزىيە گېزىتى" دىن ئېلىندى .
قانداق ئاياللار چاچ بويىسا بولمايدۇ ؟
