قاردىكى ئايرىلىش.
(ھېكايە)
زۇلقەر ھۈسەيىن شەررارى


تونۇش ئاياق ئاۋازى ئۇنىڭ ئارقا تەرىپىدىن بارغانسېرى يېقىنلاپ كەلدى.قار ئاياق ئاستىدا ئېزىلگەندە چىقارغان غارسىلدىغان ئاۋاز ئۇنىڭغا شۇنچىلىك تونۇش بىلىنمەكتە.ئاياغ ئاۋازى ئۇنىڭ ئارقىسىغا كېلىپ توختىدى.ئۇ بېشىنى ئىككى قولى بىلەن قاماللىغىنچە  مۇز قاتقان دەرياغا قاراپ مىدىرلىماي ئولتۇراتتى.قىزنىڭ ئارقا تەرەپتە ئۆزىگە قاراپ تۇرغىنىنى بىلدى،لېكىن ئارقىسىغا ئۆرۈلمىدى.قىز سۈكۈت ئىچىدە خېلى ئۇزاق تۇرغاندىن كېيىن،ئاخىرى ئېغىز ئاچتى:
_سەردار......
ئۇ بېشىنى ئاستا كۆتۈردى.ئۇنىڭ كۆزلىرى ئىششىپ قىزارغان،بەلكىم ئۇيقۇسىزلىقتىن بولسا كېرەك،چىرايىدىن ھارغىنلىق،مەيۈسلۈك چىقىپ تۇراتتى.ئۇ نۇرسىز كۆزلىرىنى قىزغا تىكتى.قىزنىڭ ئاپئاق ئوماق يۈزلىرى تاتارغان،ئىلگىرى ئويناقلاپ تۇرىدىغان قوي كۆزلىرى ئۇنىڭ تىكىلىشىگە بەرداشلىق بېرىپ ھېسسىياتسىز،ئىپادىسىز ھالدا قاراپ تۇراتتى.ئۇلار شۇ ھالەتتە خۇددى ناتونۇش ئادەملەردەك ياكى ئۈنسىز پىچىرلىشىۋاتقاندەك بىر-بىرىگە خېلى ئۇزاق قارىشىپ تۇرغاندىن كېيىن،ئۇنىڭ بوغۇق ئاۋازى ئاڭلاندى:
_قارارىڭىزنى ئۆزگەرتتىڭىزمۇ؟_بۇ ئاۋاز خۇددى يەرنىڭ ئاستىدىن  كېلىۋاتقاندەك بوش ۋە جانسىز ئاڭلىناتتى..
_سەردار،بۈگۈن  سىز بىلەن خوشلاشقىلى كەلدىم.
_سىز،......_  سەردارنىڭ بېشى يەنە چۈشۈپ كەتتى.
_شۇنداق،مەن......_دېدى قىز،_سىز بىلەن خوشلاشقىلى كەلدىم.قارىماققا قىز بۇ سۆزنى قەتئىي نىيەتتە ئېيتىۋاتقاندەك كۆرۈنەتتى.
_ئەجىبا سىز ھەممىدىن ۋاز كەچمەكچىمۇ؟قىلىشقان ۋەدىلىرىمىز،پىلانلىرىمىز،شۇنچە كۆڭۈللۈك ئۆتكەن كۈنلىرىمىز،يەنە دوستلىرىمىزنىڭ بىزگە تىلىگەن تىلەكلىرى......سىز بۇلارنىڭ ھەممىسىدىن ۋاز كەچمەكچىمۇ؟؟؟_ئۇ ۋارقىرىۋەتتى.
قىز ئۇنىڭ كۆزلىرىدىن قورققاندەك دەرھال يانغا قارىۋالدىيۇ،يەنە تېزلا بايىقى ئەسلىگە كەلدى،قىزنىڭ كۆزلىرىدىن بايىقىدىنمۇ بەكرەك قەتئىيلىك چاقناپ تۇراتتى.
_شۇنداق،مەن سىزگە ھەممىنى دەپ بولدۇم،ئەمدى يەنە سۆزلەپ ئولتۇرۇشۇمنىڭ ئورنى يوق،مەن كەتتىم ،ئۆزىڭىزنى ئاسراڭ!-قىز كەينىگەبۇرۇلۇپ بىر قەدەم مېڭىپ  توختاپ بوينىدىكى شارپىنى يەشتىدە،ئۇنىڭغا سۇندى:
_بۇ سىزدە قالسۇن،_قىزنىڭ شارپىنى سۇنغان قوللىرى بوشلۇقتا توختاپ قالدى.ئۇ كۆزلىرىنى دەرياغا تىككىنىچە مىدىرلىماي ئولتۇراتتى.قىز شارپىنى ئۇنىڭ يېنىدىكى ئورۇندۇققا قويۇپ ئارقىغا بۇرۇلغىنىچە كېتىپ قالدى.
_فېرۇزە،......_ئۇ تۇيۇقسىز توۋلىۋەتتى.
قىزنىڭ پۇتلىرى خۇددى بىرسى تارتقاندەك توختاپ بىر دەقىقە تۇرۇپ قالدى.ئارقىدىن يەنە تېزلا مېڭىپ يولىغا راۋان بولدى. غارس -غارس قىلغان ئاياغ  ئاۋاز بارغانسىرى يىراقلاپ كەتتى.
قىزنىڭ قارىسى يۈتكەندىن كېيىن ، ئۇ ئاستا بۇرۇلۇپ  روھى چىقىپ كەتكەندەك ئورۇندۇق ئۈستىدىكى شارپىنى قولىغا ئالدى.بۇ قىزىل شارپا قىزنىڭ ئەڭ ياخشى كۆرىدىغان نەرسىسى بۇلۇپ ئۇلار يېڭىلا مۇھەببەتلەشكەن ۋاقىتلىرىداقىزغا سوۋغا قىلغان ئىدى.شۇندىن بۇيان قىز شارپىنى ناھايىتى ئەتىۋارلاپ ، ياخشى كۆرۈپ ساقلاپ كېلىۋاتاتتى.ئەمما بۈگۈن......
سەردار بىلەن فرۇزە بىر-بىرىنى بەك ياخشى كۆرۈشەتتى.ئۇلار مۇشۇ دەريا بويىدا تونۇشقان ۋە مۇشۇ جايدا مۇھەببەتلەشكەن ئىدى.ئۇلارنىڭ دوستلىرى ئۇلارغا ھەۋەس قىلىشاتتى. ئۇلارنى<<خۇدا قوشقان بىر جۈپلەر >>دەپ تەرىپلىشەتتى.دېمىسىمۇ، ئىككىسى ھەقىقەتەن ماس كەلگەن بىر جۈپلەردىن ئىدى. بىر يىلغا يېقىن ۋاقىتتىن بۇيان شۇنداق ياخشى ئۆتۈپ كېلىۋاتاتتى.يېقىندا تېخى توي قىلىشقىمۇ پۈتۈشۈپ،توينىڭ تەييارلىقىغا چۈشۈشكەن ئىدى.لېكىن ئىككى ھەپتىدىن بۇيان فېرۇزە ئۆزگىرىپ باشقىچىلا بىر ئادەم بۇلۇپ قالغان ئىدى.باشتا خىيالچان كەمسۆز بۇلۇپ قالدى،بارا-بارا سەردارغا پوزىتسىيىسىمۇ ئۆزگىرىشكە باشلىدى.ئالدىنقى  كۈنى  تۇيۇقسىزلا ئايرىلىش تەلىپىنى قويدى.ئوچۇق ئاسماندا چاقماق چاققاندەك،سەردارغا بۇ بەكمۇ  ئېغىر ئىدى. ئۇ دەسلەپتە قىزنى چاخچاق قىلىۋاتىدۇ دەپ ئويلىدى،لېكىن قىزنىڭ قەتئىيلىك چىقىپ تۇرغان كۆزلىرىدىن چاخچاق قىلغاندەك قىلمايتتى.سەردار سەۋەبىنى سورىسا،پەقەت بىرلا سۆزنى تەكرارلاپ تۇرۇۋالاتتى:
_ئىككىمىز ماس كەلمەيمىز،مەن خاتالىشىپتىكەنمەن ،سىزنى ياخشى كۆرمەيدىكەنمەن .
قىزنىڭ تۇيۇقسىز ئۆزگىرىپ كېتىشىنىڭ تېگىگە ئۇ پەقەت يېتەلمىدى.بۈگۈنمۇ ئەسلى قىزنى بۇ يەرگە چاقىرتىپ ئوبدانراق سۆزلىشىپ بېقىشنى ئويلىغان ئىدى.لېكىن بايا كۆرگەندەك  قىز ئۇنىڭغا گەپ قىلغۇدەكمۇ پۇرسەت بەرمىدى. ئەمدى قانداق قىلغۇلۇق ؟....
قىز شۇ كەتكەنچە ئىز دېرىكى بولمىدى ،ھېچكىم ئۇنىڭ خەۋىرىنى ئالالمىدى ،سەردار بولسا شۇ كۈندىن باشلاپ
بەكلا چۈشكۈنلىشىپ كەتتى.كۈن بويى ئۆيگە بېكىنىۋېلىپ بىر نۇقتىغا تىكىلىپلا ئولتۇراتتى.دوستلىرى ئىزدەپ كەلسىمۇ كۆرۈشمەيتتى.بىر تۇرۇپ قىزغا نەپرەتلەنسە،يەنە بىر تۇرۇپ قىزنىڭ نىمە ئۈچۈن بۇنداق قىلغىنىنى بىلمەيتتى. قىز  بىلەن بولغان  ئالاقە پۈتۈنلەي ئۈزۈلدى.شۇڭا بۇكۈنلەردە ئۇنىڭ كەيپىياتتى بەكلا مۇرەككەپ ئىدى.شۇنداق كۈنلەرنىڭ بىرىدە، پوچتىدىن بىر پارچە خەت تاپشۇرۋالدى. ئۇ خەتنى ئىلىپلا بىر يانغا تاشلىماقچى بولغاندا كۆزى كونۋىرت ئۈستىدىكى تونۇش پوچۇركىغا چۈشۈپ قالدى ۋە بىردەم ئىككىلىنىپ تۇرغاندىن كىيىن خەتنى ئېچىپ ئوقۇدى .خەت مۇنداق يېزىلغانىدى:
«...