خەۋەر مۇنبىرى

10 ﻣﯩﯔ ﻣﯘﺳﺎﭘﯩﺮ ﺑﺎﻻ ﻳﺎﯞﺭﻭﭘﺎﻏﺎ ﺑﺎﺭﻏﺎﻧﺪﯨﻦ ﻛﯧﻴﯩﻦ ﻳﻮﻗﺎﭖ ﻛﻪﺗﺘﻰ

ﻓﯩﺮﺍﻧﺴﯩﻴﻪ ﺗﺎﺭﺍﺗﻘﯘﻟﯩﺮﯨﻨﯩﯔ ﺋﯧﻴﺘﯩﺸﯩﭽﻪ، ﺋﯚﺗﻜﻪﻥ 18 ﺋﺎﻳﺪﯨﻦ 24 ﺋﺎﻳﻐﯩﭽﻪ ﺑﻮﻟﻐﺎﻥ ﯞﺍﻗﯩﺖ ﺋﯩﭽﯩﺪﻩ ﺋﺎﺗﺎ-ﺋﺎﻧﯩﺴﻰ ﻫﻪﻣﺮﺍﻫ ﺑﻮﻟﯘﭖ ﻛﻪﻟﻤﯩﮕﻪﻥ 10 ﻣﯩﯔ ﻣﯘﺳﺎﭘﯩﺮ ﺑﺎﻻ ﻳﺎﯞﺭﻭﭘﺎﻏﺎ ﻛﻪﻟﮕﻪﻧﺪﯨﻦ ﻛﯧﻴﯩﻦ ﺋﯩﺰ ﺩﯦﺮﻩﻛﺴﯩﺰ ﻳﻮﻗﺎﭖ ﻛﻪﺗﻜﻪﻥ، ﺑﯘ ﻳﺎﯞﺭﻭﭘﺎ ﺟﯩﻨﺎﻳﻰ ﺋﯩﺸﻼﺭ ﺳﺎﻗﭽﻰ ﺗﻪﺷﻜﯩﻼﺗﯩﻨﯩﯔ 1-ﺋﺎﻳﻨﯩﯔ 31-ﻛﯜﻧﻰ ﺗﻪﻣﯩﻨﻠﯩﮕﻪﻥ ﺳﺎﻧﻠﯩﻖ ﻣﻪﻟﯘﻣﺎﺗﻰ. ﺑﯘ ﺗﻪﺷﻜﯩﻼﺕ ﺑﯩﺮ ﻗﯩﺴﯩﻢ ﺑﺎﻟﯩﻼﺭﻧﯩﯔ ﺟﯩﻨﺎﻳﻪﺕ ﺷﺎﻳﻜﯩﻠﯩﺮﯨﻨﯩﯔ ﺯﻭﺭﻟﯩﺸﻰ ﺑﯩﻠﻪﻥ ﺟﯩﻨﺴﯩﻲ ﺋﯧﻜﺴﭙﻼﺗﺎﺗﺴﯩﻴﻪ ﯞﻩ ﻗﯘﻟﻠﯘﻗﻘﺎ ﺋﯘﭼﺮﯨﺸﯩﺪﯨﻦ ﺋﻪﻧﺪﯨﺸﻪ ﻗﯩﻠﻐﺎﻥ.

ﻳﺎﯞﺭﻭﭘﺎ ﺟﯩﻨﺎﻳﻰ ﺋﯩﺸﻼﺭ ﺗﻪﺷﻜﯩﻼﺗﯩﻨﯩﯔ ﻣﻪﺳﺌﯘﻟﻰ ﺋﻪﻧﮕﻠﯩﻴﻪ ﺗﺎﺭﺍﺗﻘﯘﻟﯩﺮﯨﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﯞﺍﻗﺘﯩﺪﺍ ﺑﯩﻠﺪﯛﺭﯛﺷﯩﭽﻪ، ﺑﯘ ﺑﺎﻟﯩﻼﺭ ﻳﺎﯞﺭﻭﭘﺎﺩﯨﻜﻰ ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭﺩﯨﻜﻰ ﻫﯚﻛﯜﻣﻪﺗﻠﻪﺭ ﺗﯩﺰﯨﻤﻼﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﺎﻻﻗﯩﻨﻰ ﻳﻮﻗﺎﺗﻘﺎﻥ. ﺋﯘﻧﯩﯔ ﺋﯧﻴﺘﯩﺸﯩﭽﻪ، ﺑﯘﻧﯩﯔ ﺋﯩﭽﯩﺪﻩ ﺑﻪﺵ ﻣﯩﯖﻐﺎ ﻳﯧﻘﯩﻦ ﺋﺎﺩﻩﻡ ﺋﯩﺘﺎﻟﯩﻴﻪﮔﻪ ﻳﯧﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ ﺋﺎﻻﻗﯩﻨﻰ ﻳﻮﻗﺎﺗﻘﺎﻥ. ﺋﯩﺘﺎﻟﯩﻴﻪ ﻣﯘﺳﺎﭘﯩﺮ ﻛﯚﭼﻤﻪﻧﻠﻪﺭﻧﯩﯔ ﺋﻮﺗﺘﯘﺭﺍ ﺩﯦﯖﯩﺰﺩﯨﻦ ﺋﯚﺗﯜﭖ ﻳﺎﯞﺭﻭﭘﺎﻏﺎ ﺑﺎﺭﯨﺪﯨﻐﺎﻥ ﻣﯘﻫﯩﻢ ﻧﯘﻗﺘﯩﻠﯩﺮﯨﻨﯩﯔ ﺑﯩﺮﻯ.

ﺑﯘ ﻣﻪﺳﺌﯘﻝ ﺧﺎﺩﯨﻤﻨﯩﯔ ﺋﯧﻴﺘﯩﺸﯩﭽﻪ، ﻣﯚﻟﭽﻪﺭﻟﯩﻨﯩﺸﯩﭽﻪ 10 ﻣﯩﯔ ﺑﺎﻻ ﻳﻮﻗﺎﭖ ﻛﻪﺗﻜﻪﻥ، ﺋﻪﻣﻤﺎ ﺑﯘ ﺋﯘﻻﺭﻧﯩﯔ ﺟﯩﻨﺎﻳﻪﺗﭽﯩﻠﻪﺭ ﺗﻪﺭﯨﭙﯩﺪﯨﻦ ﺋﯩﺸﻠﯩﺘﯩﻠﯩﯟﺍﺗﻘﺎﻧﻠﯩﻘﯩﺪﯨﻦ ﺩﯦﺮﻩﻙ ﺑﻪﺭﻣﻪﻳﺪﯨﻜﻪﻥ، «ﺑﯘﻧﯩﯔ ﺋﯩﭽﯩﺪﯨﻜﻰ ﺑﯩﺮ ﻗﯩﺴﻤﻰ ﺑﻪﻟﻜﯩﻢ ﺋﺎﻟﻠﯩﻘﺎﭼﺎﻥ ﺋﯚﻳﯩﺪﯨﻜﯩﻠﻪﺭ ﺑﯩﻠﻪﻥ ﺟﻪﻡ ﺑﻮﻟﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ، ﺋﻪﻣﻤﺎ ﺑﯩﺰ ﺋﯘﻻﺭﻧﯩﯔ ﻗﻪﻳﻪﺭﮔﻪ ﻛﻪﺗﻜﻪﻧﻠﯩﻜﯩﻨﻰ ﻳﺎﻛﻰ ﻛﯩﻢ ﺑﯩﻠﻪﻥ ﺑﯩﻠﻠﻪ ﺗﯘﺭﯗﯞﺍﺗﻘﺎﻧﻠﯩﻘﯩﻨﻰ ﺑﯩﻠﻤﻪﻳﻤﯩﺰ».

ﺋﯩﺘﺎﻟﯩﻴﻪﺩﯨﻜﻰ ﻫﯚﻛﯜﻣﻪﺗﻜﻪ ﺗﻪﯞﻩ ﺑﻮﻟﻤﯩﻐﺎﻥ «ﺑﺎﻟﯩﻼﺭﻧﻰ ﻗﯘﺗﻘﯘﺯﺍﻳﻠﻰ» ﺗﻪﺷﻜﯩﻼﺗﯩﻨﯩﯔ ﻣﻪﺳﺌﯘﻟﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﺎﺗﺎ ﺋﺎﻧﯩﺴﻰ ﻫﻪﻣﺮﺍﻫ ﺑﻮﻟﻤﯩﻐﺎﻥ ﺑﺎﻟﯩﻼﺭ ﻛﯚﭼﻤﻪﻧﻠﻪﺭ ﺩﻭﻟﻘﯘﻧﯩﺪﯨﻜﻰ ﺋﻪﯓ ﺋﺎﺟﯩﺰ ﺗﻮﭖ ﺑﻮﻟﯘﭖ، ﺋﯘﻻﺭ ﺋﯜﭼﯜﻥ ﺋﺎﻻﻫﯩﺪﻩ ﻗﻮﻏﺪﺍﺵ ﭼﺎﺭﯨﺴﻰ ﻗﻮﻟﻠﯩﻨﯩﺶ ﻛﯧﺮﻩﻙ ﺋﯩﻜﻪﻥ.

ﻳﺎﯞﺭﻭﭘﺎ ﺟﯩﻨﺎﻳﻰ ﺋﯩﺸﻼﺭ ﺳﺎﻗﭽﻰ ﺗﻪﺷﻜﯩﻼﺗﻰ ﺗﻪﻣﯩﻨﻠﯩﮕﻪﻥ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﺩﺍ ﻛﯚﺭﺳﯩﺘﯩﻠﯩﺸﯩﭽﻪ، 2015-ﻳﯩﻠﻰ ﺗﻪﺧﻤﯩﻨﻪﻥ 1 ﻣﯩﻠﻴﻮﻥ ﻣﯘﺳﺎﭘﯩﺮ ﻛﯚﭼﻤﻪﻥ ﻳﺎﯞﺭﻭﭘﺎﻏﺎ ﻳﯧﺘﯩﭗ ﻛﻪﻟﮕﻪﻥ ﺑﻮﻟﯘﭖ، ﺑﯘﻧﯩﯔ ﺋﯩﭽﯩﺪﻩ ﺗﻪﺧﻤﯩﻨﻪﻥ %27 ﻯ ﻗﻮﺭﺍﻣﯩﯩﻐﺎ ﻳﻪﺗﻤﯩﮕﻪﻧﻠﻪﺭ ﺋﯩﻜﻪﻥ. ﻳﺎﯞﺭﻭﭘﺎ ﺟﯩﻨﺎﻳﻰ ﺋﯩﺸﻼﺭ ﺳﺎﻗﭽﻰ ﺗﻪﺷﻜﯩﻼﺗﯩﻨﯩﯔ ﺋﯧﻴﺘﯩﺸﯩﭽﻪ، ﺋﯩﮕﯩﻠﯩﻨﯩﺸﯩﭽﻪ ﺋﺎﺩﻩﻡ ﺋﻪﺗﻜﻪﺳﭽﯩﻠﯩﻜﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯨﻐﺎﻥ ﺑﯩﺮ ﻗﯩﺴﯩﻢ ﺟﯩﻨﺎﻳﻪﺕ ﺷﺎﻳﻜﯩﻠﯩﺮﻯ ﻣﯘﺳﺎﭘﯩﺮﻻﺭﻧﻰ ﻗﯘﻝ ﻗﯩﻠﯩﺶ ﯞﻩ ﺟﯩﻨﺴﯩﻲ ﺳﻮﺩﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﻧﯩﺸﺎﻧﯩﻐﺎ ﻛﯩﺮﮔﯜﺯﮔﻪﻥ.

ﺋﻪﻧﮕﻠﯩﻴﻪ ﻫﯚﻛﯜﻣﯩﺘﯩﻨﯩﯔ 1-ﺋﺎﻳﻨﯩﯔ 28-ﻛﯜﻧﻰ ﺳﯘﺭﯨﻴﻪ ﯞﻩ ﺑﺎﺷﻘﺎ ﺋﯘﺭﯗﺵ ﻗﺎﻻﻳﻤﯩﻘﺎﻧﭽﯩﻠﯩﻘﻰ ﺑﻮﻟﯘﯞﺍﺗﻘﺎﻥ ﺩﯙﻟﻪﺗﻠﻪﺭﺩﯨﻜﻰ ﺋﺎﺋﯩﻠﯩﺴﻰ ﺑﯩﻠﻪﻥ ﺋﺎﻻﻗﯩﺴﯩﻨﻰ ﻳﻮﻗﺎﺗﻘﺎﻥ ﺑﺎﻟﯩﻼﺭﻧﻰ ﻗﻮﺑﯘﻝ ﻗﯩﻠﯩﺸﻨﻰ ﺧﺎﻻﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

مەنبە: ئەرخەۋەر تورى