خەۋەر مۇنبىرى

ﺋﺎﻣﯧﺮﯨﻜﺎ ﺋﻪﻣﺪﻯ ﺯﺍﯞﺍﻟﻠﯩﻖ ﭘﺎﺗﻘﯩﻘﯩﻐﺎ ﭘﯧﺘﯩﺸﻰ ﻣﯘﻣﻜﯩﻦ

BI ﺗﻮﺭﯨﻨﯩﯔ ﺧﻪﯞﯨﺮﯨﮕﻪ ﺋﺎﺳﺎﺳﻼﻧﻐﺎﻧﺪﺍ، ﺑﯩﺮ ﻗﯩﺴﯩﻢ ﺋﯩﻘﺘﯩﺴﺎﺩﺷﯘﻧﺎﺳﻼﺭﻧﯩﯔ ﺋﺎﮔﺎﻫﻼﻧﺪﯗﺭﯗﺷﯩﭽﻪ، ﺋﺎﻣﯧﺮﯨﻜﺎ ﻧﯚﯞﻩﺗﺘﻪ ﺯﺍﯞﺍﻟﻠﯩﻖ ﭘﺎﺗﻘﯩﻘﯩﻐﺎ ﻗﺎﺭﺍﭖ ﻣﺎﯕﻐﺎﻥ. ﺑﺎﺷﻘﺎ ﺋﯩﻘﺘﯩﺴﺎﺩﺷﯘﻧﺎﺳﻼﺭ ﺋﺎﻣﯧﺮﯨﻜﺎ ﻫﺎﺯﯨﺮ ﺯﺍﯞﺍﻟﻠﯩﻘﻘﺎ ﻳﯜﺯﻟﯩﻨﯩﺸﺘﯩﻦ ﺟﯩﻖ ﻳﯩﺮﺍﻕ ﺋﯩﻜﻪﻧﻠﯩﻜﯩﮕﻪ ﺋﯩﺸﯩﻨﯩﺪﯨﻜﻪﻥ.

ﺋﻪﻣﻤﺎ ﮔﯧﺮﻣﺎﻧﯩﻴﻪ ﺑﺎﻧﻜﯩﺴﯩﺪﯨﻜﻰ ﺟﻮ ﻻﯞﻭﺭﮔﯩﻨﺎﻧﯩﯔ ﻗﺎﺭﯨﺸﯩﭽﻪ، ﺑﻪﺯﻯ ﺋﺎﻻﻣﻪﺗﻠﻪﺭ ﺋﯜﻣﯩﺪﺳﯩﺰﻟﻪﺭﻧﯩﯔ ﻛﯚﺯ ﻗﺎﺭﯨﺸﯩﻨﯩﯔ ﺗﻮﻏﺮﺍ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﯩﻨﻰ ﺑﯩﻠﺪﯛﺭﯨﺪﯨﻜﻪﻥ. 2-ﺋﺎﻳﻨﯩﯔ 4-ﻛﯜﻧﻰ ﺧﯧﺮﯨﺪﺍﺭﻻﺭﻏﺎ ﻳﺎﺯﻏﺎﻥ ﺩﻭﻛﻼﺗﯩﺪﺍ، ﺋﯘﻧﯩﯔ ﻛﯚﺭﺳﯩﺘﯩﺸﯩﭽﻪ ﻛﺎﺭﺧﺎﻧﺎ ﭘﺎﻳﺪﯨﺴﯩﻨﯩﯔ ﺗﯚﯞﻩﻧﻠﯩﺸﻰ ﺑﯩﺮ ﺧﯩﻞ ﺭﻭﺷﻪﻥ ﻛﯚﺭﺳﯩﺘﯩﺶ ﺳﯩﮕﻨﺎﻟﻰ ﺑﻮﻟﯘﭖ، ﺋﻪﯓ ﻧﺎﭼﺎﺭ ﺋﻪﻫﯟﺍﻟﺪﺍ ﺋﺎﻣﯧﺮﯨﻜﯩﻨﯩﯔ ﻧﻪﭼﭽﻪ ﺋﺎﻱ ﺋﯩﭽﯩﺪﻩ ﺯﺍﯞﺍﻟﻠﯩﻖ ﭘﺎﺗﻘﯩﻘﯩﻐﺎ ﭘﺎﺗﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯨﺪﯨﻜﻪﻥ.

ﻻﯞﻭﺭﮔﯩﻨﺎ ﻣﯘﻧﺪﺍﻕ ﺩﯦﺪﻯ: «ﺗﺎﺭﯨﺨﯩﻲ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ ﻛﺎﺭﺧﺎﻧﯩﻨﯩﯔ ﺋﻪﯓ ﻳﯘﻗﯩﺮﻯ ﭘﺎﻳﺪﺍ ﻗﯩﻤﻤﯩﺘﻰ ﯞﻩ ﺧﺎﺭﺍﺑﻠﯩﺸﯩﺸﻘﺎ ﻳﯜﺯﻟﯩﻨﯩﺸﻰ ﺑﺎﺷﻠﯩﻨﯩﺶ ﺋﺎﺭﯨﺴﯩﺪﯨﻜﻰ ﺋﻮﺗﺘﯘﺭﯨﭽﻪ ﯞﺍﻗﯩﺖ ﯞﻩ ﺋﻮﺗﺘﯘﺭﯨﺪﯨﻜﻰ ﯞﺍﻗﯩﺖ ﻗﯩﻤﻤﯩﺘﻰ ﺋﺎﻳﺮﯨﻢ-ﺋﺎﻳﺮﯨﻢ ﻫﺎﻟﺪﺍ 8 ﭘﻪﺳﯩﻞ ﯞﻩ 9 ﭘﻪﺳﯩﻞ ﺑﻮﻟﯩﺪﯗ. ﺯﺍﯞﺍﻟﻠﯩﻘﻘﺎ ﻳﯜﺯﻟﯩﻨﯩﺶ ﺋﺎﻟﺪﯨﺪﺍ ﭘﺎﻳﺪﺍ ﺋﺎﺩﻩﺗﺘﻪ ﺋﻪﯓ ﻳﯘﻗﯩﺮﻯ ﻗﯩﻤﻤﻪﺗﻜﻪ ﻳﯧﻘﯩﻨﻠﯩﺸﯩﺪﯗ». ﺋﯘﻧﯩﯔ ﺗﻮﻟﯘﻗﻼﭖ ﺋﯧﻴﺘﯩﺸﯩﭽﻪ، 2014-ﻳﯩﻠﻰ ﺋﯜﭼﯩﻨﭽﻰ ﭘﻪﺳﯩﻠﺪﻩ ﺋﺎﻣﯧﺮﯨﻜﺎ ﻛﺎﺭﺧﺎﻧﯩﻠﯩﺮﯨﻨﯩﯔ ﭘﺎﻳﺪﯨﺴﻰ ﭼﻮﻗﻘﺎ ﻗﯩﻤﻤﻪﺗﻜﻪ ﻳﯧﻘﯩﻨﻼﺷﻘﺎﻥ. ﺋﯘﻧﯩﯖﺪﯨﻦ ﻛﯧﻴﯩﻦ ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﻯ ﺳﯩﺠﯩﻞ ﺗﯚﯞﻩﻧﻠﯩﮕﻪﻥ.

ﻳﺎﺳﯩﻤﯩﭽﯩﻠﯩﻖ ﻛﻪﺳﭙﯩﻨﯩﯔ ﺯﺍﯞﺍﻟﻠﯩﻖ ﭘﺎﺗﻘﯩﻘﯩﻐﺎ ﻳﯧﻘﯩﻨﻼﺷﻘﺎﻧﻠﯩﻘﻰ ﻳﺎﻛﻰ ﭘﺎﺗﻘﺎﻧﻠﯩﻘﻰ ﯞﻩ ﺑﯩﺮ ﻗﯩﺴﯩﻢ ﺋﯩﺸﻪﻧﭽﻠﯩﻚ ﻛﯚﺭﺳﻪﺗﻜﯜﭼﻠﻪﺭﻧﯩﯔ ﺋﺎﮔﺎﻫﻼﻧﺪﯗﺭﯗﺵ ﺳﯩﮕﻨﺎﻟﻰ ﺑﻪﺭﮔﻪﻧﻠﯩﻜﯩﻨﻰ ﻧﻪﺯﻩﺭﺩﻩ ﺗﯘﺗﯘﭖ، ﻻﯞﻭﺭﮔﯩﻨﺎ ﻣﻪﺑﻠﻪﻍ ﺳﺎﻟﻐﯘﭼﯩﻼﺭﻧﯩﯔ ﺋﯧﻐﯩﺮ ﺩﻩﺭﯨﺠﯩﺪﯨﻜﻰ ﺋﯩﻘﺘﯩﺴﺎﺩ ﻛﺎﺳﺎﺗﭽﯩﻠﯩﻘﯩﻐﺎ ﺋﯧﻬﺘﯩﻴﺎﺗﭽﺎﻥ ﭘﻮﺯﯨﺘﺴﯩﻴﻪﺩﻩ ﺑﻮﻟﯘﺷﻰ ﺗﻮﻏﺮﯨﺴﯩﺪﺍ ﺑﯧﺸﺎﺭﻩﺕ ﺑﻪﺭﮔﻪﻥ.

ﺧﻪﯞﻩﺭﮔﻪ ﺋﺎﺳﺎﺳﻼﻧﻐﺎﻧﺪﺍ، ﺑﯘﻟﺘﯘﺭ ﻳﺎﺳﯩﻤﯩﭽﯩﻠﯩﻖ ﺳﺎﻫﻪﺳﻰ ﺋﺎﻣﯧﺮﯨﻜﯩﺪﯨﻜﻰ ﺋﯩﺸﻘﺎ ﺋﻮﺭﯗﻧﻠﯩﺸﯩﺶ ﺋﯩﭙﺎﺩﯨﺴﻰ ﺋﻪﯓ ﻧﺎﭼﺎﺭ ﺳﺎﻫﻪﮔﻪ ﺋﺎﻳﻼﻧﻐﺎﻥ. ﺋﻪﮔﻪﺭ ﻳﺎﺳﯩﻤﯩﭽﯩﻠﯩﻖ ﺳﺎﻫﻪﺳﻰ ﺩﺍﯞﺍﻣﻠﯩﻖ ﺋﺎﺟﯩﺰ ﻫﺎﻟﻪﺗﻜﻪ ﭼﯜﺷﯜﭖ ﻗﺎﻟﺴﺎ ﺑﯘ ﻳﯩﻞ ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﯨﻨﯩﯔ ﻳﺎﺧﺸﯩﻠﯩﻨﯩﺸﯩﺪﯨﻦ ﮔﻪﭖ ﺋﺎﭼﻘﯩﻠﻰ ﺑﻮﻟﻤﺎﻳﺪﯨﻜﻪﻥ.

ﯞﯦﻠﻠﯩﺲ ﻓﺎﺭﮔﻮ ﺑﺎﻧﻜﯩﺴﻰ ﺋﯩﻘﺘﯩﺴﺎﺩﺷﯘﻧﺎﺳﻨﯩﯔ ﺑﯩﻠﺪﯛﺭﯛﺷﯩﭽﻪ، ﮔﻪﺭﭼﻪ ﻳﺎﺳﯩﻤﯩﭽﯩﻠﯩﻖ ﺳﺎﻫﻪﺳﻰ ﺋﺎﻣﯧﺮﯨﻜﺎ GDP ﺳﯩﻨﯩﯔ %10 ﺗﯩﻨﻰ ﺋﯩﮕﯩﻠﯩﺴﯩﻤﯘ، ﺋﻪﻣﻤﺎ ﺋﯘﻧﯩﯔ ﺋﯩﭙﺎﺩﯨﺴﻰ ﺋﺎﺩﻩﺗﺘﻪ ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﯨﻨﯩﯔ ﻛﯧﻠﻪﭼﯩﻜﯩﺪﯨﻦ ﺑﯧﺸﺎﺭﻩﺕ ﺑﯧﺮﯨﺪﯨﻜﻪﻥ. ﺑﯘ ﺑﺎﻧﻜﯩﻨﯩﯔ ﻣﯚﻟﭽﻪﺭﻟﯩﺸﯩﭽﻪ ﺋﻮﻣﯘﻣﯩﻲ ﺟﻪﻫﻪﺗﺘﯩﻦ ﻗﺎﺭﯨﻐﺎﻧﺪﺍ ﺑﯘ ﻳﯩﻞ ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﯨﻨﯩﯔ ﺋﯩﭙﺎﺩﯨﺴﻰ ﺋﺎﻧﭽﻪ ﻳﺎﺧﺸﻰ ﺑﻮﻟﻤﺎﻳﺪﯨﻜﻪﻥ.
مەنبە: ئەرخەۋەر تورى