باھارگۈل ئىبرايىم
كەچكۈز ھاۋاسى سالقىندىغان چاغ،
ياپراق بەرگىدە شەبنەم تۈنىشەر.
يۇلتۇزلار ئۇزۇشۇپ ئاتقاندا تاڭ،
تاغدىن قىزارغان شەپەق كۆرىنەر.
شەپەق نۇرىدا جىلۋىگەر شەبنەم،
ياقۇتتەك چاقناپ تۇرىدۇ گويا.
گۈللەر بەرگىدە سۈزۈك تامچىسى،
يالتىراپ ئۆزگىچە قىلىدۇ جۇلا.
سەھەر پەيزىگە قوشار لاتاپەت،
شەبنەم ئېسىلىپ تۇرغان گىيالار.
گويا ئاسقاندەك مەرۋايىت مارجان،
كۆرۈنەر كۆزگە يېشىل قىيالار.
شەبنەمگە ئاشىقمەن چىن قەلبىمدىن،
بولغاچ پاكلىقنىڭ يارقىن سىماسى.
پاكتۇر شەبنەمدەك سۈپ-سۈزۈك قەلبىم،
شۇنداق پاك بولسا ئىنسان دۇنياسى.
2015-يىل 5-سىنتەبىر ( باي )
| 145 قېتىم كۆرۈلدى | ehsanay | ئەسەر يوللىغۇچى : | |
| 2015-9-5 23:15:18 | :يوللانغان ۋاقتى | ||
بۇ تېمىغا تېخى ئىنكاس يېزىلماپتۇ
|
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
 |
