مودا چاچ بىلەن ئۇزۇن چاچنىڭ مۇنازىرىسى
مودا چاچ :
ئەي خالايىق ئېتىم مېنىڭ مودا چاچ،
تارىخىممۇ ئۇزۇن ئەمەس لېكىن شاش.
داڭقىم باردۇر مەشرىق تامام مەغرىپتە،
جىمى قىزلار مەن ئۈچۈنلا ئېگەر باش.
ئۇزۇن چاچ:
ئىنسان ئىزى يەرگە قەدەم قويغاندا،
يارالدىم مەن ھەمرا بولۇپ ئىنسانغا.
گۆھەردۇرمەن قەدىرلىگەن بىلگەنگە.
چۈنكى باغلىق ئاسراش مېنى ۋىجدانغا.
مودا چاچ :
قاراپ باققىن ئەتراپىڭغا جاھانغا ،
نەدە قالدى زۆھرە لەيلى سەنەملەر.
يېڭى پاسون يېڭى ئىسكەت يېڭى روھ،
مەن بىلەنلا مەزمۇت تاشلار قەدەملەر.
ئۇزۇن چاچ:
ئۇزۇن چاچ مەن ئۇيغۇر قىزى زىننىتى،
ئۇيغۇر ئەمەس پۈتۈن قىزنىڭ قىممىتى.
غۇرۇرى ھەم پەخرى جېنى ھىممىتى،
بىلسەڭ ماڭا باردۇر بارچە ھۆرمىتى .
مودا چاچ:
نامىڭ سېنىڭ قالدى ئۇزاق ئەسىردە،
ئەركىندۇرمەن بۈگۈنكى شوخ دەۋردە.
كۆرۈنمىدىڭ ئىزدىسەم تۆت پەسىلدە،
يۈتتۈڭمۇ يا چۆلدە قەدىم قەسىردە .
ئۇزۇن چاچ :
ئەركىنلىكىڭ ۋاقىتلىقتۇر تاقلىما،
مېنى يۈتتى دەپ گېپىڭنى شاخلىما،
ئەۋلادلىرىم ئويغىنىدۇ دەست تۇرۇپ،
شۇ چاغ كەلسە كۆزلىرىڭنى ياشلىما.
مودا چاچ :
گۈزەللەرنىڭ جانانىمەن جانىمەن،
مەستخۇش قىلغان ئۈلپىتىمەن يارىمەن.
بارلا بولسا گۈزەل ئەسلى جاھاندا،
گۈزەللىككە تەڭكەش بولغان سازىمەن.
ئۇزۇن چاچ:
جاھانغا باق ياخشى يامان تامام بار،
ئويلىمىغىن ھەممە قىزنى ساڭا يار.
قارا ڭغۇدا ھۆكۈم سۈرگەن زۇلمەتمۇ،
كىچىك شامنىڭ يورۇقىدىن بولار خار .
مودا چاچ:
خىتابىم شۇ قۇرۇق نام بار ئۆزۈڭ يوق،
ئۆتمۈشتىكى ئۇلۇغ نامىڭ ئەمدى يوق.
قايچىلاردا قۇربان قىلدىڭ ئۆزۈڭنى ،
سەھنىلەردە ھاجىتىڭ يوق ئورنۇڭ يوق.
ئۇزۇن چاچ:
كەلگىن باشلاپ ماڭاي سېنى گۈلباغقا،
ئاقىۋىتىم ئەمەس سەندەك زالالەت.
نىيىتىم پاك تۇتقان يولۇم ئەبەدكە،
بىراق سېنىڭ ئاقىۋىتىڭ قىيامەت .
مودا چاچ:
ئاڭلاپ ئاداش سۆزلىرىڭنى ئويلاندىم،
بۇرۇن قىلغان ئىش ئىزىمغا قىزاردىم.
تا بۈگۈنگە بىلمەپتىمەن ھوشۇمنى ،
ئۆزۈم كۆرۈپ ئۆز ھالىمنى ئۇيالدىم .
ئۇزۇن چاچ ۋە مودا چاچ :
ئويلان ئۇيغۇر قىزلىرى چاچ ھەققىدە،
ئۇزۇن چاچتۇر ئەسلى بىزنىڭ پەخرىمىز.
چاچنى كەسمە قويۇپ بەرگىن ئەركىگە.
سۇمبۇل چاچلار بىزنىڭ تاجۇ –تەختىمىز.
قومۇل ئاراتۈرك ناھىيە1-ئوتتۇرا مەكتەپتىن :ئايجامال مۇئەللىم
206 قېتىم كۆرۈلدى | AYTURK926 | ئەسەر يوللىغۇچى : | |
2015-8-7 15:30:42 | :يوللانغان ۋاقتى |
2015-8-8 10:00:14 | جوتەندىن تۇرسۇنتوختى قۇربان |
ياخشى يېزىلىپتۇ ، |
2015-8-7 18:02:31 | qq: qin akida 212 |
yakxi yezipsiz maga bak yakti |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|