ھىجرانى بار مۇھەببەت بولسا
قەيەرلەردە قالدى قاغجىراپ ،
ياش توختىماس مۇڭلۇق كۆزلىرىڭ .
ئەمدى تاش بوپ كەتكەن ئوخشايسەن ،
بىلدۈردىغۇ سۆزۈڭ ، يۈزلۈرۈڭ .
مەشۇقىڭغا ھەمراھ تىنىقىڭ ،
توختىدىمۇ ئېغىر ئۇھسۇنۇپ .
قەدەملەردە سۇلتانتىڭ ئۆزۈڭ ،
ئەمدى شۈكلەپ قاپسەن بويسۇنۇپ .
يىراقلارغا باقمايمەن دەيسەن ،
ئەمما نازۇك تېۋىشلار تۇرسا .
يىغلىمايمەن دېيەلەرسەنمۇ ،
ھىجران كېلىپ قامچىلاپ ئۇرسا .
مۇھەببەتنى قولدا دەپ چاغلاپ ،
يۈرەكلەرنى باقمىدىڭ تىڭشاپ .
سۆيگەنلەرغۇ قان يىغلاپ قالدى ،
سۆيمىگەنلەر كەتتىغۇ ئوڭشاپ.
تامام ئەتتىڭ خىيالىڭدا سەن ،
سېغىنىشنىڭ سىناقلىرىنى .
ھىجرانى بار مۇھەببەت بولسا،
بىلمەي قالدىڭ قىيناشلىرىنى .
شېرزات ئادىلجان ھۈكەر
142 قېتىم كۆرۈلدى | hukar | ئەسەر يوللىغۇچى : | |
2015-8-26 0:59:03 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|