گۈلۈم سېنى سېغىنغاندا
تۇرغۇن راخمان ( كەمتەر )
گۈلۈم سېنى سېغىنغاندا ، ئىزدەر كۆزۈم توختىماستىن ،
ياشلىق چېغىم قىرانلىقتا ، مەن ئۆزۈمنى چاغلىماستىن ،
كۆڭلۈم شۇنداق يېرىم مېنىڭ ، بىر كۈلۈپمۇ باقمىدىڭغۇ ،
بەك قىينالدىم ئوتلىرىڭدا ، كەتتىڭ ھالىم سورىماستىن .
گۈلۈم سېنى سېغىنغاندا ، مۇڭلۇق بولدى تىلەكلىرىم ،
پىژغىرىملىق تومۇزلاردا ، چېچەك ئاچتى پىلەكلىرىم ،
كۈتتۈم ئۇزاق كەلمىدىڭغۇ، سەۋەبىنى ھېچ بىلمىاىم ،
بولساڭ ئەگەر يانلىرىمدا ، يېرلمامتى يۈرەكلىرىم .
گۈلۈم سېنى سېغىنغاندا ، ئايغا قاراپ خىيال قىلدىم ،
قېينالدىمغۇ ھېجرانلاردا ، سىماسىڭنى ئىزلەر ئىدىم ،
تاشيۈرەكلىك قىلىپ ھەر چاغ ، خارلىدىڭغۇ سۆيگۈلەرنى ،
ناخشا ئېيتتىم دوقمۇشلاردا ، ئاڭلىدىڭمۇ ھېچ بىلمىدىم .
گۈلۈم سېنى سېغىنغاندا ، تالدى نۇرلۇق كۆزلىرىممۇ ،
شېرىن تاتلىق خىياللاردا ، مۇڭغا تولدى كۈيلىرىممۇ ،
يامغۇر ياغسا تىمتاس قىلىپ ، تۇيۇلدىغۇ مۆلدۈرلەردەك ،
كېچىپ مەندىن چانغىنىڭدا ، ئۆلدى قەلبىم بىلمىدىڭمۇ .
گۈلۈم سېنى سېغىنغاندا ، بىر كىلەيمۇ دېمىدىڭغۇ ،
ئاچچىق يۈتۈپ قېينالغاندا ، دەرتلىرىمنى بىلمىدىڭغۇ ،
قىسمەت شۇنداق ئوخشايدىغۇ ، خىرەلىشىپ تالدى كۆزۈم ،
قىلدىم ھەسرەت ئارمانلاردا ، ھېچ كەلمىدىڭ سۆيمىدىڭغۇ .
گۈلۈم سېنى سېغىنغاندا ، سىرلىرىمنى ئېيتىۋەتتىم ،
تېنىقلىرىم توختىغاندا ، ھېسلىرىمنى بوغىۋەتتىم ،
كەچكۈزمىكىن توڭلىدىمغۇ ، پەرۋاسىزلا ئۇزاپ كەتتى ،
ئاۋازلىرىم بوغۇلغاندا ، دەرتلىرىمنى يۈتىۋەتتىم .
گۈلۈم سېنى سېغىنغاندا ، قالمايدىغۇ تەندا مادار ،
كەلسەڭ ئىدى باھار چاغدا ، بۇ دىلىمغا سالماي ئازار ،
كۈتتۈم ئۇزاق ئازاپلىنىپ ، گۇناھ بولماس سۆيساڭ مېنى ،
سەيلە قىلساق گۈزەل باغدا ، بولاتتىغۇ كۈندە بازار .
گۈلۈم سېنى سېغىنغاندا ، تاڭ ئاتمىدى بۇ كېچەلەر ،
تەنھا يۈردۈم تاغلىرىڭدا ، ئاچچىق بولدى شوخ يۈرەكلەر ،
قان - ژېرىڭغا تولدى يۈرەك ، بىل تاشيۈرەك ئازابىمنى ،
بولساڭ ھەمراھ مۇڭلىرىمغا ، ئېزىلەمتى بۇ يۈرەكلەر .
مۇھەررىر: ئابدۇقەييۇمجان ئابدۇسادىرى
ئۈندىدار :2041420589
56 قېتىم كۆرۈلدى | turhun | ئەسەر يوللىغۇچى : | |
2017-6-2 17:14:08 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|