ئازاپ
ئۆرتەندى يۈرىكىم ھەسرەت ئىچىدە،
ۋىجدانسىز سېنىڭدىن كەلمىگەچ ۋاپا .
يىغلىدىم كۈن - تۈنۈم تاپمىدىم چارە ،
بارمىدۇ دەردىمگە دۇنيادا داۋا .
*****
شادلىقىم ئىدىڭغۇ ئەينى چاغلاردا ،
سېنىڭسىز جىلۋە يوق گۈلدەك چىرايدا .
ھاياتىم دەيتتىمغۇ سېنى ھەر قاچان ،
گۈل - چىچەك ناز قىلغان گۈزەل باغلاردا .
*****
ۋاپاسىز سۆيگۈنۈم تاشلاپ كەتتىڭغۇ ،
ۋە لېكىن بىراۋنى سۆيۈپ ئۆتتۈڭمۇ .
ئېيتقىنا ئۆزگىلەر ياخشىمۇ مەندىن ،
ۋە ياكى سۆيۈشۈم يەتمەي قالدىمۇ .
******
سېنىڭسىز ئۆتكۈزگەن ھەربىر كۈنلىرىم ،
ئويلىدىم سېغىندىم تۈنىدىم نەچچە .
بىلگۈم بار تۆككەن ئاشۇ ياشلىرىم ،
چۈشۈڭگە كىردىمۇ بولۇپ باشقىچە .
*******
بۇ جاھان ئۆتنىدۇر ئىشەنگىن يارىم ،
ئاجايىپ يانىدۇ بىلمەي قالىسەن ،
يولۇقۇپ ئىت كەبى ئاسىي مەشۇققا ،
ئاشۇ يارسۆيەتتى دەپمۇ قالىسەن .
********
كەچۈرگىن سۆيگۈنۈم ئۆزەمگە قايتاي،
ئاشىقسىز مەشۇق بوپ يۈرمەيمەن ئەمدى .
دادام تاغ ، ئانام باغ يۈلەنچۈكۈم بار ،
تاپقىنىڭ ياخشىدۇر مەندىنمۇبەلكى .
********
ئۆزگىلەر تىلەركەن ئايرىلغان چاغدا،
دىلىدىن سۆيگەن شۇ يارىغا بەخىت .
مەن قانداق بىر بەندە كەچۈرمىدىمغۇ ،
بىرەلمەس ماڭا ئۇ مەن كۈتكەن تەخت.
*******
ئويلىسام ئەي يارىم قىلغانلىرىڭنى ،
ھېلىھەم يۈرەكنى ئازاپ ئۆرتەيدۇ .
نە ئۈچۈن يۈرەكنى ئازاپلايسەن دەپ ،
ھەتتاكى يۈرەكنى ۋىجدان سوتلايدۇ .
*******
بولدىلا ھەممىنى چۈش دەپلا قالاي ،
ئۇنۇتاي سېنىڭدەك ۋاپاسىز يارنى ،
تىلەيمەن كېيىنكى ھايات يولۇمدا ،
كۆرگۈم يوق سېنىڭدەك نىيىتى قارنى .
2015- يىلى 17- ئىيۇن مۆتىۋەر ئەخمەت (ئاۋات)
166 قېتىم كۆرۈلدى | مۆتىۋەر ئەخمەت (ئاۋات) | ئەسەر يوللىغۇچى : | |
2015-8-13 4:12:47 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|