ئانا مېنى تۇغقان كۈنۈڭ مۇبارەك
شاھى مەردانى
كەلدى مانا تۇغۇلغان كۈنۈم ،
ئانا مېنى تۇغقان كۈنۈڭ مۇبارەك ،
سەن بولغاچقا كۈندۈز ۋە تۈنۈم،
ئانا مېنى تۇغقان كۈنۈڭ مۇبارەك.
مېنىڭ ئۈچۈن باغرىڭ ئانا گۈل بوستان،
گۇۋاھ بولۇر شۇ سۆيگۈمگە يەر ئاسمان،
پەخىرلىنەي سېنى يېزىپ بىر داستان،
ئانا مېنى تۇغقان كۈنۈڭ مۇبارەك .
سوۋغام بولسۇن دۇنيادىكى گۈل-گىياھ،
شۇ مېھرىڭگە تەڭ بولالماس تاغ دەريا.
تەرىپلەيدۇ دوكتور ئالىم ئەنبىيا ،
ئانا مېنى تۇغقان كۈنۈڭ مۇبارەك.
ھەر لەھزىدە ماڭا ھەمراھ بوپ سايە ،
مېنىڭ ئۈچۈن گۈزەل ئۈلگە بىر غايە،
دۇئالىرىڭ ماڭا مەڭگۈ كۇپايــــــــــە،
ئانا مېنى تۇغقان كۈنۈڭ مۇبارەك.
2017 ــ يىلى 4 ــ ئاينىڭ 19 ــ كۈنى
169 قېتىم كۆرۈلدى | شاھى مەردانى | ئەسەر يوللىغۇچى : | |
2017-4-18 22:21:43 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|