ئۆتمۈشۈمنى يۈرمە ۋاراقلاپ
( ياسىنجان سەلەيئاخۇن )
ئۆتمۈشۈمنى يۈرمە ۋاراقلاپ ،
ئۇنىڭدا كۆپ ھىجران داغلىرى .
ئىچىلماستىن غۇنچە-چىچەكلەر ،
خازان بولغان سۆيگۈ باغلىرى .
ئۆتمۈشۈمنى يۈرمە ۋاراقلاپ ،
ئۇنىڭدا كۆپ ئازاپنىڭ دىغى .
ئۆچكىنى يوق ۋاپاسىزلارنىڭ ،
خەنجەر ئۇرۇپ قالدۇرغان ئىزى .
ئۆتمۈشۇمنى يۈرمە ۋاراقلاپ ،
ئۇنىڭدا كۆپ پۇشايمان ئۇھلار ،
بولدى قىلغىن قىينىما مىنى ،
سەپكەن كەبى يارامغا تۇزلار .
ئۆتمۈشۈمنى يۈرمە ۋاراقلاپ ،
ئۇنىڭدا كۆپ قىسمەت زارلىرى .
ئىچ ئاغرىتماي قاخشاشلىرىمغا ،
سۆيگۈمنى خار ئەتكەن چاغلىرى .
ئۆتمۈشۈمنى يۈرمە ۋاراقلاپ ،
ئۇنىڭدا كۆپ ھەسرىتىم چەككەن .
ھالاك بولۇپ كىتەرسەن بەلكىم ،
دەريا كەبى يىشىمغا تۆككەن .
ئۆتمۈشۈمنى يۈرمە ۋاراقلاپ ،
ئۇنىڭدا كۆپ قان ئاققان دىللار .
دۈشمەنلىرىم ئەمەستۇر بەلكى ،
چىن دوسلۇرۇم قاناتقان ئىزلار .
ئۆتمۈشۈمنى يۈرمە ۋاراقلاپ ،
ئۇنىڭدا كۆپ دەرتلىرىم تولغان .
سۆيسەڭ بۈگۈن ئەتەمنى سۆيگىن ،
چۈنكى ئۆتمۈش ئۇنتۇلۇپ بولغان .
ئۆتمۈشۈمنى يۈرمە ۋاراقلاپ ،
ئۇنىڭدا كۆپ ئەسلىمە ماڭا .
سەن ئەتەمنى كۈتەلىسەڭلا ،
كەلگۈسۈم ئۇ پايانداز ساڭا .
2015 . 8 . 24
ياسىنجان سەلەيئاخۇن كۈنەس ناھىيە
264 قېتىم كۆرۈلدى | 18699977794 | ئەسەر يوللىغۇچى : | |
2015-8-24 18:07:15 | :يوللانغان ۋاقتى |
2015-8-29 14:24:37 | گۇلۇم |
قېرىندىشىم قولىڭغا دەرت بەرمىسۇن قەلەم تۇلپارىڭ ھارمىسۇن تىخىمۇ ياخشى ئەسەرلەرنى روياتقا چىقىرىشىڭغا تىلەكداشمەن |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|