يارىم مېنى تاشلاپ كەتمىگىن
ناخشا تېكىستى
ئابلىكىم غوپۇر ئوتقاش
مېنى يالغۇز قويۇپ نىگارىم،
كۆزلىرىمنى ياشلاپ كەتمىگىن.
يۈرىكىمنى مىڭ پارە ئەيلەپ،
يارىم مېنى تاشلاپ كەتمىگىن.
باغىڭ بۇلاي باھار سېغىنساڭ،
تاغىڭ بۇلاي يۈلەكسىز قالساڭ.
باغرىم ياراي سۆيگۈ سورىساڭ،
يارىم مېنى تاشلاپ كەتمىگىن.
ئۆزگىلەرگە قىلمايمەن ھەۋەس،
نامەردلەردىن بولغايمەن پەخەس.
سەنسىز كۈنۈم ئۆتەر بەكمۇ تەس،
يارىم مېنى تاشلاپ كەتمىگىن.
قويساڭ مېنى تىكەندەك يالغۇز،
ئاسمىنىمدىن ئۆچىدۇ يۇلتۇز.
ئۆتمەس گالدىن گىياھچە ئاش تۇز،
يارىم مېنى تاشلاپ كەتمىگىن.
2015-يىل 9-ئاي 10-كۈن دىيارى بارچۇق
119 قېتىم كۆرۈلدى | otkax | ئەسەر يوللىغۇچى : | |
2015-9-16 14:33:24 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|