دۇنيانى ئويغاتتىڭ ئۆلۈمۈڭ بىلەن ئۈچ يېشىڭدا

تۇغۇلدۇڭ نا تىنچ بولغان ماكاندا ،

 ئەركىليەلـمىدىڭ ئاتاـئاناڭ قوينىدا .

كۈلۈپ باقمىدى سەبىي يۈزۈڭگە دۇنيا ،

 دۇنيانى تىترەتتىڭ ئۆلۈمۈڭ بىلەن ئۈچ يېشىڭدا .

ئوينار ئەنە سەن كەبى سەبىيلەر ،

كۈلەر ئەنە سەن كەبى ئوماقلار .

 ئوينالـمىدىڭ كۈلەلـمىدىڭ ئۇلار كەبى ،

دۇنيانى ئويغاتتىڭ ئۆلۈمۈڭ بىلەن ئۈچ يېشىڭدا .

 ئاغرىندىڭمۇ ئەي ناتىۋان دۇنيادىن ،

 يىغلىدىڭمۇ كىتەر ئالدىدا ئالەمدىن .

قوشۇلدۇڭمۇ تەقدىرداش دوسلىرىڭ بىلەن ،

 دۇنيانى چۈچۈتتۈڭ ئۆلۈمۈڭ بىلەن ئۈچ يېشىڭدا .

 كۆز يېشىڭ دېڭىز كەبى ئاققانمىدى ،

 نەپرىتىڭ دولقۇن كەبى تاشقانمىدى .

 تۇتمىسۇن بىزلەرنى كۆز يېشىڭنىڭ قارغىشى ،

 دۇنيانى قورقۇتتۇڭ ئۆلۈمۈڭ بىلەن ئۈچ يېشىڭدا .

 كەچۈرگىن بىز ئەيىبكار ئالدىڭدا ،

كەچۈرگىن دۇنيا رەھىمسىز قەلبىڭدە .

كەچۈرگىن كىشىلەر سەۋەبكار ئۆلۈمىڭگە .

 دۇنيانى خىجىل قىلدىڭ ئۆلۈمىڭ بىلەن ئۈچ يېشىڭدا .

 ئا.ناتىۋان