ئېسىمدىن چىقماس قىلغان خىيانىتىڭ ، سەن تەرەپلىك يېيلىپ كەتكەن ئامانىتىم . كۈلگۈم كېلەر ماڭا ئېيتقان يالغانلىرىڭ ، كەچۈرۋېتەي ھەممىنى چۈنكى مەن ئەركەك . ھەر سەھەر يورۇق تاڭلار ئاتقىنىدا ، قەرزلەرگە گەدەنگىچە پاتقىنىمدا . تۇرمۇش غېمى تاغ بولۇپ باسقىنىدا ، دەس تۇرۇپ كېتەي چۈنكى مەن ئەركەك . كۆيگىنىمدە سۆيگۈ ئوتىدا ، ئاشىق تەرپىدىن ھىجرانغا تاشلانغىنىمدا . خىياللار بېشىمنى چىرمىغىنىدا ، ئويغۇنۇپ كېتەي چۈنكى مەن ئەركەك . خىزمەتنى دائىم ئالدىراش دىمەي ، يولنى يىراق ۋە يېقىن ئۆلچىمەي . ئاتا-ئانامنى بىر بېرىپ يوقلاپ كېلەي ، نىجاتكارىمغۇ ئۇلار چۈنكى مەن ئەركەك . ئون ئىككى مۇقامنى توۋلاپ جاراڭلىق ئېيتاي ، غۇلاچ تاشلاپ سامانى جەسۇر ئويناي . خەلققە دەرمان بولۇپ ئوتىدا قايناي ، ئەۋلاتلارغا يول باشلاي چۈنكى مەن ئەركەك . ئۇيغۇر بولۇپ قالغىنىمدىن پەخىرلىنىمەن ، ھەق -ناھەق پاسىلىنى ئېنىق ئايرىيمەن . شانلىق ئىزلارنى ئەۋلادلارغا يەتكۈزىمەن ، بۇرۇچۇمنى ئادا قىلاي چۈنكى مەن ئەركەك .

---