توزىغان خىيال
يىراقلارغا توزىيدۇ خىيال،
بىر سىمانى ئىزدىمەك بولۇپ.
ئېيتقۇسى بار يۈرەك سۆزىنى،
كۆزلىرىگە تىكىلىپ تۇرۇپ.
بىرىلمەيدۇ چۈشلەرگە مەنا،
رىئاللىقنىڭ ئۈستىدە تۈتۈن.
ئاشىق چۆلگە كەتتى يىگانە،
بولالمىدى سۆيگۈسى پۈتۈن.
كۆزنىڭ نۇرى سۇنغان دەقىقە،
يىقىنلايدۇ جاھاننىڭ چېتى.
رەنجىشلەرگە تولۇپ كېتىدۇ،
ئۆمۈر ئاتلىق دەپتەرنىڭ بېتى.
چېقىلمىغان ئەينەكتەك قىزلار،
كۆرسىتىدۇ نەچچە خىل ئوبراز.
گۈل سىياقتا كۆرىنەر شەيتان،
ئاسمىنىدا كۆڭۈلنىڭ ئۇچار.
بېغىشلىماق قېيىندەك تۇرۇپ،
بېغىشلاشقا چىدايدۇ يۈرەك.
تاپانلارنىڭ ئاستىدا چىمەن،
ئۈمۈدى يوق ئۆلۈمدىن بۆلەك .
ھامان ئاددى ھاياتنىڭ سىرى،
ئۆلۈم بىلەن تامام بىر گەۋدە.
ئالداش ئۈچۈن پەقەت بىر بىرىن،
بېرىشىدۇ ئىنسانلار ۋەدە.
شاۋكەت - غۇلجا
131 قېتىم كۆرۈلدى | شاۋكەت | ئەسەر يوللىغۇچى : | |
2015-8-27 15:27:58 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|