دادام قۇياش،ئاپام ئاي
مېھىرنىسا قۇربان
(قىزىم تىلىدا يېزىلغان)
دادام قۇياش،ئاپام ئاي،
مېھرى ئىسسىق،خۇشچىراي.
بايلىقىم ھەم يايلىقىم،
ئۇلارسىز مەن نە قىلاي؟
دادام قۇياش،ئاپام ئاي،
باغرى ئىللىق ئېسىل جاي.
ئەركىلەيمەن ئويناقشىپ،
قۇچاقىدا مەن بىر تاي.
دادام قۇياش،ئاپام ئاي.
ئۇلار بىلەن شاتلىناي.
ئاياغىغا باش قويۇپ،
سۆيۈپ سۆيۈپ ئايلىناي.
دادام قۇياش،ئاپام ئاي،
يۈرۈكۈمگە چىڭ تاڭاي.
چوڭ قىلغۇچە ماڭا ھەم،
جان كۆيدۈردى مىڭ تالاي.
دادام قۇياش،ئاپام ئاي،
ھالىدىن خەۋەر ئالاي.
قويۇپ تۇراي ئالدىغا،
ئۇسسىغاندا قىززىق چاي.
دادام قۇياش،ئاپام ئاي.
قوللىرىغا گۈل تۇتاي.
ئازبولسىمۇ قىپ خىزمەت
مەنمۇ كۆڭلىنى ئۇتاي.
2017-6-4 غۇلجا شەھىرى
تەھرىرى:مۇھەممەدتوختى سەببەت
مۇھەررىرى:ئابدۇقەييۇمجان ئابدۇسادىرى.
64 قېتىم كۆرۈلدى | 2550325358 | ئەسەر يوللىغۇچى : | |
2017-6-4 9:05:05 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|