يىتىم بولدۇم

ھەمراگۈل ئوسمان

كەپسىز ئىدىم مەن بەكلا كەپسىز،

 ئاتا- ئانام بولغاچقا كەپسىز.

 ئاتا-ئانامنىڭ مېھرى بىلەن،

ياشاپ كەلدىم شۇنچىلىك غەمسىز.

 كىچىك چېغىم سەبىي چېغىمدا،

خوشاللىقىم بار ئىدى چەكسىز .

 چوڭ بولۇپ مەن ئەقىل تاپقاندا،

 ئاتا-ئانام ئۆتتى بەك ئەپسىز.

 چوڭ بولۇپلا مەن يىتىم بولدۇم،

 چوڭ بولمىغان بولسام بوپتىكەن.

 قېرى بولۇپ ئۆلۈپ كەتكۈچە،

ئاتا-ئانام ياندا بولسىكەن.

ئەپسۇس تەغدىر قىينىدى مېنى،

يۈرەكىمگە سالدى ئازاپنى.

بالىلىقىم خوشاللىقىمدىن،

 مەڭگۈلۈككە ئايرىدى مېنى.