مۇھەببەتكە ئاسىيلىق قىلما
ئابلىكىم غوپۇر ئوتقاش
يۈرىكىمنى تۇتسام ئامرىقىم،
ئۈستىگە دەسسەپ ئۆتۈپ كېتىشنى ئويلىما.
بىر تەشتەك گۈل بەرسەم قولۇڭغا،
بەرگىنى غازان قىلىشقا ئەسلا ئورۇنما.
مېنى سۆيمىسەڭ،
سۆيىمەن دېمە مەجبۇرەن.
مېنى ئالداپ،
ئۆزۈڭنى قىيناپ،
بىغۇبار يۈرەكلەرنى خاراب قىلما.
يېنىمدا ئولتۇرۇپ،
مەن بىلەن تەڭ كۆككە باققۇڭ كەلمىسە،
مۈرەمگە يالغاندىن بېشىڭنى قويما.
سۆيگۈ دېڭىزىغا غەرىق بۇلۇشتىن قورۇقساڭ،
مۇھەببەت قۇلۋىقىدا قولۇمنى تۇتۇپ
كۆزۈمگە قاراپ تۇرۇپ
دولقۇنلارغا پالاق ئۇرما،
چالغان مۇزىكام يېقىمسىز ئاڭلانسا،
ئېغىزىڭنىڭ ئۇچىدا ناخشا توۋلىما.
ئۆز-ئۆزۈڭگە ئاسىيلىق قىلىپ،
قەلىب ئىشكىڭگە مەھكەم تاقاق سېلىپ،
مېنى ئىچىگە كىرىشكە زورلىما.
ئاچما زىنھار رۇجەكلىرىڭنى،
قەلبىڭگە يامغۇردەك تامچە بۇلۇپ چۈششىمنى خالىمىساڭ.
ئۆچكەن ئوتنى ئۇلغايتماق بۇلۇپ،
كۆيىمەن دەپ بولما ئاۋارە.
ئۆچۈر ئوتنى كۆيدۈرمە زىنھار،
شۇل كۆيۈككە تاپمىساڭ چارە.
باغلىماي قوي زەنجىر -كىشەندە،
سۇ ئىچمىگەن قاقشال كۆڭۈلنى.
ئەقىدەمنى ئۇرمىغىن يەرگە،
چۇل - چۇل قىلىپ مۇشتەك يۈرەكنى.
كۈلكەمگە كۈلۈپ،
يىغامغا يىغلاپ،
ئۆتەلمىسەڭ تاكى ئۆلگۈچە،
توسمايلا قوي بەخىت يولۇمنى…
2015-يىل 8-ئاي 18-كۈن (مارالبېشى)
420 قېتىم كۆرۈلدى | otkax | ئەسەر يوللىغۇچى : | |
2015-8-19 0:07:32 | :يوللانغان ۋاقتى |
2015-8-20 14:25:55 | ئەينەك |
تەپەككۈرگە كۆز تەگمىسۇن يەنە بامۇ |
2015-8-19 16:02:24 | mahmutjan |
koztagmisun sawakdixkmnig ilhamiga |
2015-8-19 7:07:25 | smatjan |
yah xiyez lip tu msn yak tur dum |
2015-8-19 1:54:07 | باشقۇرغۇچى |
بولىدۇ |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|