ياتسىرايدۇ قەلبلەر
تۇرغۇن راخمان ( كەمتەر )
مېھىرلەرنى بەرمىسەڭ ، ياتسىرايدۇ قەلبلەر ،
ئادىمىيلىك بىلمىسەڭ ، تۇتاشمايدۇ قەلبلەر ،
ئويلاپ پەقەت ئۆزىڭنى،دوغا تىكسەڭ سۆيگۈنى ،
جانان قورقماي كىلەمدۇ ، ئۇتالمىساڭ قەلبلەر .
سۆيگۈ شېرىن بولسىمۇ،بىلەلمىساڭ بىكاردۇر ،
چىن يۈرەكتىن سۆيساڭمۇ،كۆيۈكلىرىڭ بىكاردۇر ،
ئەقىدىنى بىلمىسەڭ ، بىلجىرلىما يايرىم دەپ ،
راھېتىنى قوغلۇشۇپ ، دەرتلەر سالساڭ بىكاردۇر .
بىيىت توقۇپ يالغاندىن ، سۆيدۈم دېسەڭ بولامدۇ ؟
مەنپەئەت دەپ جاناننى ، ئالداپ يۈرسەڭ بولامدۇ ؟
ئىتتىرمىگىن ئوتلارغا ، كۆڭۈل نازۇك ، بۇنى بىل ،
چىن يۈرەكتىن سۆيمەمسەن ، ئۇۋال قىلساڭ بولامدۇ ؟
ئاجىزلارنى ئاياشنى ، بىلىۋالغىن ئەركەكلەر ،
ئازاپ قىلماي ئۇلارغا ، كۆڭۈل بۆلگىن ئەركەكلەر ،
ئاجىزلارنىڭ ئېچىدە ، باردۇر سېنىڭ تۇققۇنۇڭ ،
ۋېجدان بولسا سېنىڭدە ، ئويلا نۇمۇس ئەركەكلەر .
سۇلار كېتۇر ، ساي قالۇر ، ئوسما كېتۇر ، قاش قالۇر ،
سۆيگۈڭ يالغان بولسىلا ، يانلىرىڭدا كىم قالۇر ؟
ساداقەتنى بىلمىساڭ ، سارغىيارسەن غازاڭدەك ،
ۋاپادارلىق بىلمىسەڭ ، يۈرەگىڭدە دەرت قالۇر .
پەزىلەتلىك بول دوستۇم ، ياشا مەڭگۈ ئەركەكتەك ،
بىلگىن ھايا ، نۇمۇسنى ، ياشاپ يۈرمە تۈلكىدەك ،
كىرمە ھېسيات كەينىگە ، پەزىلەتلىك بول دوستۇم ،
بىل ئاياشنى ئاجىزلار ، ياشا خۇددى بۈركۈتتەك .
ئىلىم - پەننى ئېگەللەپ ، كۆكتە پەرۋاز قىلغىنسەن ،
ئاجىزلارنى قەدىرلەپ ، ئېسىل ئەركەك بولغىنسەن ،
ئويلاپ ئېجىل - ئېناقلىق ، ياشا ۋەتەن ،ئانام دەپ ،
جەسۇر ئوغلان ، بولۇپ مەرت ، ۋاپادارلىق بىلگىنسەن .
تەھرىر : ئابلىمىتجان ۋاھاپ
123 قېتىم كۆرۈلدى | turhun | ئەسەر يوللىغۇچى : | |
2017-5-26 15:33:53 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|