ماي ئېيىدىكى سەلكىن شامالدا،
گۈل-چىچەكلەر تولغان دالاغا.
بىر-بىرىنى قوغلىشىپ غەمسىز،
ئۇچۇپ يۈرەر قۇشلار سامادا.
ماي ئېيىدىكى، مەيىن شامالدا،
بەكمۇ مۇڭلۇق بىر كۈي يىراقتا.
لىرىكىغا ئايلىنىپ ھەممە،
سىڭىپ كىتەر بىر-بىرلەپ ئاڭا.
ئۈمىدلەر جۇش ئۇرغان شامالدا،
ئاشۇ غۇۋا ، يىراق ئۇپۇقتا.
نىگارىم سەن كىلىۋاتقاندەك،
قۇچاق ئېچىپ، خوشال سىياقتا.
ۋاقىت ئۈتەر ئوخشاشلا ئەمما،
قالدىم يەنە مەن يالغۇزلۇقتا.
گۈللەر ئارا جۈپ-جۈپ كىپىنەك،
خىيالىمغا بۇلىدۇ ھەمرا.
سېغىنىشلار تولغان شامالدا،
ئېھ ، نىگارىم قايدا سەن قايدا.
ئەتراپىمدا قىپقىزىل گۈللەر،
شوخ دولقۇنلار يىتەمدۇ ساڭا.
ئاشۇ ئىللىق، سەلكىن شامالدا،
پەقەت مۇشۇ يۈرەكتىن باشقا.
ئۇنتۇپ گويا قايغۇنى تامام،
ھەممە نەرسە تولغان شادلىققا.
ئىزچى- (مۇرادىل راخمان)
155 قېتىم كۆرۈلدى | izqi1 | ئەسەر يوللىغۇچى : | |
2015-7-29 17:44:47 | :يوللانغان ۋاقتى |
2015-7-30 12:00:30 | |
ياخشى |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|