كۈلمىگىن
يازغۇچىلار تورىدىن گۈلقەمەر
ھەر قەدەمدە پۇتلىشىدۇ بەزىلەر،
لاي-پاتقاققا مىلەنگەندە كۈلمىگىن.
تاپالماستىن نىشانىنى قايمۇقۇپ،
ھاڭۋاققاندا زاڭلىق قىلىپ كۈلمىگىن.
بىز كۆرمىگەن جۇت-زىمىستان بارمىدى،
ئەركەك كۆزى نەملەنگەندە كۈلمىگىن.
ئاتاڭ بىلەن پەخىرلەنسەڭ توغرا گەپ،
قارا يېتىم بىچارىگە كۈلمىگىن.
قىزىڭ بولسا پەرىشتىدەك شۈكرى دە،
بالا -قازا كەلگەنلەرگە كۈلمىگىن.
«ئاتا» بولغىن ئاتىسىزغا قولۇڭنى بەر،
ناتىۋاننىڭ نالىسىگە كۈلمىگىن .
جاسارەتتىن دەرس بەرگىن قاپلىنىڭغا،
ئازغانلارغا دۇئا بەرگىن كۈلمىگىن .
ئەمەسمىدى ئەلنىڭ ئوغلى شۇ ئارسلان،
ئۈمىد بەرگىن باغرىڭنى ئاچ كۈلمىگىن.
يول تاپقاندا يۆلىۋالغىن يولسىزنى،
يولدا قالغان مۇساپىرغا كۈلمىگىن.
پۇل تاپقاندا تونۇماستىن قوشناڭنى،
پارچە نانغا زار بولغانغا كۈلمىگىن.
202 قېتىم كۆرۈلدى | gulkamar | ئەسەر يوللىغۇچى : | |
2015-9-27 16:48:24 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|