كىلەلەمسەن
تۇرغۇن راخمان ( كەمتەر )
گۈللەر سۇندۇم سېنى سۆيگەچ نەچچە رەت ،
چىن دىلىمدىن ئاشىق بولغاچ مەن ئەبەت ،
ئەپسۇس پىسەنت قىلمىدىڭغۇ ئەي نادان ،
تەبەسسۈمىڭ قىلىپ خۇشخۇي ، كىلەلەمسەن ؟
يوللىرىڭغا تەلمۈردىمغۇ ئېچىرقاپ ،
ئويلىرىڭغا يىتەرمەنمۇ تېڭىرقاپ ،
سېغىنىشتا ئازاپلاندىم ھەسرەتلىك ،
سۈكۈتلەردە بىھۇش بولماي ، كىلەلەمسەن ؟
چۈشلىرىمدە كۈلۈشلىرىڭ كۆرەي دەپ ،
تىلەكلىرىم بىر سېنىڭكى غېمىڭ يەپ ،
سەھەرلەردە يوللىرىڭغا قارايمەن ،
جانىم سېنى سۆيىمەن دەپ ، كىلەلەمسەن ؟
مەجنۇن بولدۇم سېغىنىشتا مۇڭسىراپ ،
تەنھا يۈرۈپ غېرىپلىقتا ھالسىراپ ،
ئەقىدەمنى بىلەلەمسەن بىلمىدىم ،
بىر سەن ئۈچۈن ياشايمەن دەپ ، كىلەلەمسەن ؟
يازنىڭ غېمى ئۆتۈپ كەتتى بىلدىڭمۇ ،
يۈرەكلىرىم كاۋاپ بولدى كۆردىڭمۇ ،
تاجى تەخىم ئېرىشسەممۇ بەرىبىر ،
ئەقىدەمنى قىلماي خاراپ ، كىلەلەمسەن ،
پەرۋېش قىلىپ گۈللىرىڭنى ساقلىدىم ،
ئانچە - مۇنچە ياۋا گۈللەر تاقلىدىم ،
ئۈمۈدىم شۇ بىر سەن ئۈچۈن جان بېرىش ،
پەقەت سېنى تاللىدىم يار ، كىلەلەمسەن ؟
غېرىپ مىسكىن بولماي دەيمەن ئەبەدكە ،
خۇشتار ئەمەس ياتلار بەرگەن شەرەپكە ،
ئوتلىرىڭدا ئۆلۈپ كەتسەم رازىمەن ،
ئازاپ سالما قايتا ئەمدى ، كىلەلەمسەن ؟
مۇھەررىر: ئابدۇقەييۇمجان ئابدۇسادىرى
ئۈندىدار :2041420589
44 قېتىم كۆرۈلدى | turhun | ئەسەر يوللىغۇچى : | |
2017-6-14 21:08:57 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|