پۇل ۋە ئىنسان
رەببىمىز ھەممىنى تەڭپۇڭ ياراتتى،
ۋەلېكىن تەڭ ئەمەس بەندە كۆزىدە.
مال_دۇنيا ئېگىز_پەس قىلدى جاھاننى،
ئىنسانلار پۇل ئۈچۈن تۇرماس سۆزىدە.
رەببىمىز ئىنساننى مۆمىن ياراتقان،
مال دۇنيا ئۆزگەرتتى ئىنسان ئەسلىنى.
پۇل ئۈچۈن ھەممىدىن يانماس بەزىلەر،
ئەمەلدار بولغاندا ئۇنتار نەسلىنى.
بەزىلەر پۇل ئۈچۈن ئىپپەتنى ساتتى،
قەبىھلەر نارسىدە باللارنى ساتتى.
ئىنسانلىق يولىدىن چىققان ئىپلاسلار،
قەۋمىنى يۇرتىنى ۋىجداننى ساتتى.
پۇللىرى كۆپىيىپ مېھىر سۇسلاشتى،
پۇلدارلار ئەمەلدار بىلەن دوستلاشتى.
بىر تۇغقان قېرىنداش ئاكا_ئىنىلەر،
مىراسنى تالىشىپ ھەتتا سوتلاشتى.
ئاتا_ئانىلار نىيىتى بۇزىلىپ،
پەرزەنتى بەختىنى پۇل دەپ ئويلىشىپ.
ئاخىرى ئۆيلىمەك بولدى پەزەنتنى،
مال_دۇنيا نام_ئابروي دەپ قۇدىلىشىپ.
نىجىس پۇل قانچىلىك ئىپلاس سەن شەيتان،
ئىنسانلار قەلبىدە بولدۇڭغۇ داستان،
قانچىلىك مېھرىڭ بار مۇھەببەتىڭ بار،
دەرغەزەپ بولدىغۇ زېمىن ۋە ئاسمان.
جۈرئەتجان نىزام(سەۋىر)
339 قېتىم كۆرۈلدى | 1366914514 | ئەسەر يوللىغۇچى : | |
2015-8-26 3:02:16 | :يوللانغان ۋاقتى |
2015-9-5 1:26:34 | mawlida |
Bak yahxi timila buptu |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|